ރަނގަޅު ޑިސްޕިއުޓް ރިޒޮލިއުޝަންގެ ނިޒާމެއް ގެނައުމަށް ދަނީ މަސައްކަތް ކުރަމުން: ބަންޑާރަ ނައިބު

ރާއްޖޭގައި އިންވެސްޓްކުރާ އިންވެސްޓަރުންގެ ހައްގުތައް ހިމާޔަތްކުރުމަށް ރަނގަޅު ޑިސްޕިއުޓް ރިޒޮލިއުޝަން ނިޒާމެއް އެކުލަވާލުމުގެ މަސައްކަތް ސަރުކާރުން ކުރަމުން ގެންދާކަމަށް ބަންޑަރަ ނައިބު އިބްރާހިމް ރިފްއަތު ވިދާޅުވެއްޖެއެވެ.
ބަންޑަރަ ނައިބު މިހެން ވިދާޅުވީ ތަޖުރިބާ ހޯދުމުގެ ދަތުރެއްގައި މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރުގެ ބޯޑު މެމްބަރުންނާ އެކު ހޮންކޮންގްގެ އިންޓަނޭޝަނަލް އާބިޓްރޭޝަން ސެންޓަރަށް ކުރައްވަމުން ގެންދަވާ ޒިޔާރަތުގައި ވާހަކަ ދައްކަވަމުންނެވެ.

އަންނަ ހުކުރު ދުވަހުގެ ނިޔަލަށް ކުރިއަށް ގެންދާ މި ބައްދަލުވުންތަކުގައި ވާހަކަ ދައްކަވަމުން ބަންޑަރަ ނައިބު ރިފްއަތު ވިދާޅުވީ ޑިސްޕިއުޓް ރިޒޮލިއުޝަން އަދި ރަގަނޑު އާބިޓްރޭޝަންގެ ނިޒާމެއް ގެނައުމަށް ކުރަންޖެހޭ މަސައްކަތްތަކުގެ ދިރާސާއެއް މިހާރު ސަރުކަރުން ހަދަމުން ގެންދާ ކަމުގައެވެ.

"The Government is reviewing existing legislative framework to harmonize laws to protect investments, introduce expeditious and responsive dispute resolution mechanisms." - Opening Remarks delivered by AG @ibriffath at the Arbitration Study Tour hosted by HKIAC.

— AG Office Maldives (@agofficemv) April 24, 2019

ނަމަވެސް މިފަދަ ނިޒާމު ބޭނުންކުރަން ބާރު އެޅުމަށް ވަގުތުތަކެއް ނަގާނެކަމަށް ބަންޑާރަ ނައިބު ވިދާޅުވިއެވެ.

ރާއްޖޭގައި ކުރެވޭ އިންވެސްޓްމަންޓްތައް ހިމާޔަތް ކުރެވޭނެ މެކޭނިޒަމެއް އެކުލަވާލެވި އަވަސް ޑިސްޕިއުޓް ރިޒޮލިއުޝަންގެ ނިޒާމެއް ގެނައުމަށް ސަރުކާރުން މަސައްކަތް ކުރަމުން ގެންދަނީ މިހާރުވެސް އޮތް ގާނޫނީ އޮނިގަނޑުގެ ތެރެއިން ކަމަށް ރިފްއަތު ވިދާޅުވިއެވެ.