ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ރައީސް ނަޝީދު ވިދާޅުވީ މާލޭގައި ތާށިވެފައި ތިބި ރަށްރަށުގެ 10000 ހެއްހާ ރައްޔިތުން އެބަތިބި ކަމަށެވެ. އަދި އެފަރާތްތައް ރަށަށް ފޮނުވާނެ ގޮތަކީ ކޮބައިތޯ އާއި އެ ފަރާތްތައް ރަށަށް ފޮނުވައިފި ނަމަ ރޯގާ ފެތުރިދާނެ ކަމަށް ދެކި އެފަރާތްތައް ރަށަށް ނުފޮނުވާ ބޭތިއްބުމަކީ ބުއްދިވެރި ކަމެއްތޯ ރައީސް ނަޝީދު ސުވާލު އުފައްދަވާފައިވެއެވެ.
ރައީސް ނަޝީދު ވިދާޅުވީ އެ ފަރާތްތައް ރަށަށް ދިޔަޔަސް ނުވަތަ ނުދިޔަޔަސް ރޯގާ ފެތުރޭނެ ކަމަށާއި، އަދި ރަށް ތަކަށް ރޯގާ ފެތުރުމަށް އޮންނަނީ އެންމެ ގޮތެއްވެސް ނޫންކަމަށެވެ.
ރައީސް ނަޝީދު ވިދާޅުވީ ރަށްރަށުގައި ކަރަންޓިން ކުރެވޭނެ ތަންތަން ހަމަޖައްސާފައި އެފަރާތްތަކަށް ރަށްރަށަށް ގޮސް ކަރަންޓީންގައި ތިބޭނޭ ގޮތަށް އަމަލުނުކުރެވެންވީ އެވެސް ސަބަބެއް ނެތްކަމަށެވެ.
މީގެ އިތުރުންވެސް ވާހަކަ ދައްކަވަމުން ރައީސް ނަޝީދު ވިދާޅުވީ، ލާމަރުކަޒީކޮށް ކަރަންޓީން ކުރެވެން އޮށްވާ އެއަށްވުރެއް ދަތިގޮތަކަށް އެކަން ކުރިއަށްގެންދާ ސަބަބެއް ހެލްތް މިނިސްޓަރާއި ޑިރެކްޓާ ޖެނެރަލް އޮފް ޕަބްލިކް ހެލްތްގެ ކިބައިން ސާފު ކުރަންޖެހޭކަމަށެވެ.
ރައީސް ނަޝީދު ވިދާޅުވީ މިކަމުން ސަލާމަތްވާން ލޮކްޑައުންއަށް ގޮސް ވިޔަފާރިތައް ބަންދުކޮށް ސަރުކާރާއި ހުރިހާ ތަނެއް ބަންދުކޮށްގެން ތިއްބާވެސް ބަލި ފެތުރެމުން ދާކަމަށެވެ. އަދި ފެންނަ ފެނުމުގައި މި ރޯގާ ރާއްޖޭގެ ހުރިހާ ރައްޔިތުންނަށް ޖެހޭނެކަމަށް ރައީސް ނަޝީދު ވިދާޅުވި އެވެ.
