އީދު ހުތުބާގައި ބުނީ އިސްލާމީ އީދުތައް ފެށެނީ އިޖުތިމާއީ ބޮޑު ބައްދަލުވުމަކުން ﷲ އަށް ޝުކުރު ދެންނެވުމަކުން ކަމަށްވާއިރު އެ ބައްދަލުވުމުން އެކަކު އަނެކަކާ ބައްދަލުވެ ސަލާމްކުރުމާއި އީދު ތަހުނިޔާ ކިޔުމުގެ ފުރުސަތު ލިބިގެންދާ ކަމަށެވެ. އެކަމުގެ ސަބަބުން ގާތް ތިމާގެ ގުޅުން ބަދަހިވެ އަހުވަންތެރިކަން އުފެދިގެންދާ ކަމަށެވެ.
އިސްލާމް ދީނުގައި އީދު ޝަރުއުކުރެއްމުވުގެ ތެރޭގައި މަޖާކުރުމާއި އުފާ ފާޅުކުރުން ލެއްވީ އިސްލާމީ މުޖުތަމައުގައި މީހުންގެ މެދުގައި އެކުވެރިކަން އާލާ ކުރުމަށާއި މުސްލިމުންގެ މެދުގައި ދީލަތިވެ އެހީ ފޯރުމުގެ ރީތި އާދަ އަށަގެންނެވުމަށް ކަމަށެވެ.
އެގޮތުން އީދު ދުވަހު އެކަކު އަނެއްކަށް ހަދިޔާ ބަދަލުކުރުމާއި އެހީ ފޯރުވުމަކީ އިސްލާމްދީނުގެ ރީތި ސިފަޔަކަށް ވާއިރު ބޭންނުން ޖެހިފައިވާ މީހުންގެ ބޭނުންތައް ފުއްދައި އީދު އުފަލުގައި ބައިވެރިކުރުމަށް ހުތުބާގައި ގޮވާލާފައިވެ އެވެ.
އޭގެ އިތުރުން ހުތުބާގައި ބުނީ ބަރަކާތެރި ރަމަޟާން މަސް މުސްލިމުންނާއި ވަކިވެ ގޮސްފައިވަނީ ހެކިދޭ އެކުވެރިއެއްގެ ގޮތުގައި ކަމަށެވެ. އެގޮތުން ﷲ އެންގެވި ގޮތަށް އަމަލުކޮށް ރޯދަ ހިފައި، ރޭ އަޅުކަން ކުރި މީހުންނަކީ ޝަފާއަތްތެރިންން ކަމަށާއި އެކަމަކު އަޅުކަމުން ދުރުވެ ރޯދަ ހިފި މީހުންނަށް ލިބޭނީ ހައިހޫނުކަމާއި ކަރުހިއްކުންކަމަށް ވެސް ހުތުބާގައި ބުނެފައިވެ އެވެ.