ބޮޑީބިލްޑިން އެސޯސިއޭޝަން އޮފް މޯލްޑިވްސްއިން ބުނީ ކޮވިޑާއި ގުޅިގެން ރައްކާތެރިކަމުގެ ފިޔަވަޅެއްގެ ގޮތުން، މި މުބާރާތް އަންނަ އަހަރަށް ފަސްކުރީ ކަމަށެވެ. މުބާރާތް އަންނަ އަހަރަށް ފަސްކުރީ، ކުޅިވަރު މިނިސްޓްރީއާއި ބީބީއެމްގެ އިތުރުން އޭޝިއާގެ ބޮޑީބިލްޑިން ފެޑެރޭޝަނާ ދެމެދު ކުރެވުނު މަޝްވަރާތަކަށް ފަހު ކަމަށްވެސް އެ އެސޯސިއޭޝަނުން ބުންޏެވެ. މި މުބާރާތް ބޭއްވުމަށް މިހާރު ނިންމާފައިވާ އަންނަ އަހަރުގެ ސެޕްޓެމްބަރު މަހުގެ ފުރަތަމަ ހަފްތާގަ އެވެ.

ބޮޑީބިލްޑިންއަކީ ރާއްޖެއަށް ގިނަ މެޑަލްތަކެއް ގެނެސްދީފައިވާ ކުޅިވަރެކެވެ. އޭނގެ ތެރޭގައި އޭޝިއާގެ މުބާރާތުން ހޯދާފައިވާ ރަން މެޑަލް އާއި ދުނިޔޭގެ މުބާރާތްތަކުން ހޯދާފައިވާ މެޑަލް ހިމެނެއެވެ.