މިނިސްޓަރު ޒަހާގެ މަސްއޫލިއްޔަތު އަދާނުކުރެއްވޭކަމަށް ގަވައިދު ކޮމިޓީން ނިންމަވާފައިވާ ރިޕޯޓަށް ބަހުސް ކުރަމުން ސަރުކާރު ހިންގަވާ އެމްޑީޕީގެ މެމްބަރުން ވަނީ މިނިސްޓަރިގެ އިސްތިއުފާއަށް ގޮވާލައްވާފަ އެވެ.

އެގޮތުން މިއަދު ކުރިއަށްދިޔަ މަޖިލީހުގައި ބަހުސްކުރައްވަމުން ނިހާދު ވިދާޅުވީ މަސްވެރިކަމުގެ ގާނުނު ވުޖޫދަށް ގެނައި ވަރަށް ބުރަ މަސައްކަތްކޮށް މަސްވެރިންނަށް ވެފައިވާ ވައުދު ފުއްދައިދިނުމަށް ކަމަށެވެ.

ނަމަވެސް މިހާ ހިސާބަށް އައިރުވެސް އެ ގާނޫނުގެ ސަބަބުން މަސްވެރިންނަށް ފައިދާ ނުލިބެނީ ގާނޫނުގެ ދަށުން ހަދަންޖެހޭ ގައިވަދުތައް ހެދިފައި ނުވުން ކަމަށާއި އެގޮތުން މަސްވެރިންގެ ގާނޫނުގެ ދަށުން ހަދަންޖެހޭ ގަވައިދުތައް ހެދިފައިވޭތޯ 11 ފެބުރުއަރީ 2020 ގައި ބަލާފައިވާކަމަށް މެމްބަރު ވިދާޅުވި އެވެ. އެއީ އެ ގާނޫނު ވުޖޫދަށް އައިސްފައިވާތާ އަށް ވަނަވީ މަސްކަމަށް ނިހާދު ފާހަގަކުރެއްވި އެވެ.

އޭގެ އިތުރުން ނިހާން ވިދާޅުވީ މަސްވެރިންގެ ހައްގުގައި ރައްޔިތުންގެ މަޖިލީހުން ބުރަ މަސައްކަތްކޮށްފައިވާއިރު އެ މަސައްކަތުގެ ނަތީޖާ ނުފެނުނު ކަމަށެވެ. ހަމައެކަނި ޔޫރަޕަށް މަސް އެތެރެކުރުމުގެ މަސްއޫލިއްޔަތު އަދާކުރައްވަން ހުރުމުގެ ބޭނުމެއް ނެތްކަމަށާއި އެހެންކަމުން މިނިސްޓަރު ޒަހާ އިސްތިއުފާ ދިނުން މުހިންމުކަމަށް ނިހާދު ވިދާޅުވި އެވެ.

ނިހާދުގެ އިތުރުން ވެސް މިއަދުގެ ޖަލްސާގައި ސަރުކާރުގެ ބައެއް މެމްބަރުން ވަނީ ޒަހާގެ އިސްތިއުފާއަށް ގޮވާލައްވާފަ އެެވެ.