ރައްޔިތުންގެ މަޖިލީހުގެ މިއަދުގެ ޖަލްސާގައި ރައީސް ނަޝީދު ވިދާޅުވީ އެ ކޮމިޝަނުން އެ މަސައްކަތް ދެން ނުކުރެވޭނެ ކަމަށް ބުނެ މަޖިލީހަށް ސިޓީއެއް ފޮނުވާފައިވާކަމަށެވެ. އަދި އެ ކޮމިޝަންގެ މެމްބަރުން ގަބޫލުކުރާ ގޮތުގައި މައްސަލަތަކުގައި އިތުރު ހެއްކެތް ހޯދެން ނެތްކަމަށް ވިދާޅުވާ ކަމަށް ރައީސް ނަޝީދު ވިދާޅުވި އެވެ.
މިކަމާއި ގުޅޭގޮތުން ރައީސް ނަޝީދު ވަނީ އެ ކޮމިޝަނުން އެކުލަވާލި ޑްރާފްޓް ރިޕޯޓްތަކުގައި ހުރި މިންވަރަށް ދައުވާ ނުކުރެވުނީ ކީއްވެތީ ސުވާލު އުފައްދަވާފައެވެ.
ރައީސް ނަޝީދު ވިދާޅުވީ ކޮމިޝަނަށް ދައުވާ ކުރެވެން އޮތީ ހަމައެކަނި "ވަޅި ޖެހި" މީހާއަށް ކަމަށެވެ. އެހެން ނަމަވެސް އެކަމަށް ހަރުދުކޮށް އެކަން ސިއްރު ކޮށް އެކަން ރޭވި ބަޔަކު ހޯދިފައި ނުވާކަމަށް ރައީސް ނަޝީދު ވިދާޅުވި އެވެ. އަދި ތަހުގީގަށް ހުރަސް އެޅުނީ ޑްރާފްޓް ރިޕޯޓްގެ ކޮޕީ އާންމު ކުރުމުން ކަމަށް ކޮމިޝަނުން ބުނާކަމަށް ރައީސް ނަޝީދު ވިދާޅުވި އެވެ.
ރައީސް ނަޝީދު ވިދާޅުވީ ކަންކަން މިހާރު ހުރި މިންވަރަށް ދައުވާ ކުރެވޭތަން ނުފެންނަކަމަށެވެ.
ޑރ. އަފްރާޝީމް އަލީގެ މަރުގެ މައްސަލައާއި ނޫސްވެރިޔާ އަހުމަދު ރިލުވާން ގެއްލުވާލި މައްސަލައިގައި މަރު ކޮމިޝަނުން ތަހުގީގު ކުރިއަށް ގެންދިޔައެވެެ. އަދި އެ މައްސަލަތަކުގެ ޑްރާފްޓް ރިޕޯޓްތައް ކޮމިޝަނުން މަޖިލީހަށް ހައްސާކުރި އެވެ.