ފަސޭހަ ކަމާއި އެކު ލެއްޗޭ އަތުން ބޮޑު ތަފާތަކުން މޮޅުވި މެޗުގައި ޔުވެންޓަސްއަށް ގޯލްތައް ޖަހައިދިނީ ކްރިސްޓިއާނޯ ރޮނާލްޑޯގެ އިތުރުން ޕައޮލޯ ޑީބަލާ އަދި ގޮންޒާލޯ ހިގުއައިން އާއި މަތިއަސް ޑި ލީޓް އެވެ. މީގެ ތެރެއިން ރޮނާލްޑޯގެ ގޯލަކީ ޕެނަލްޓީއަކުން އޭނާ ޖެހި ގޯލެކެވެ. އެއާއި އެކު ލީގުގައި ރޮނާލްޑޯގެ ލަނޑުގެ އަދަދުވަނީ ތޭވީހަށް އަރާފައެވެ.

ލެއްޗޭގެ މައްޗަށް ކުރި ހޯދާ ލިބުނު ތިން ޕޮއިންޓާ އެކު ޔުވެންޓަސް އަށާވީސް މެޗުން ފަސްދޮޅަށް ނުވަ ޕޮއިންޓް މިހާތަނަށް ލިބިފައިވެއެވެ. ދެވަނައިގަ އޮތް ލާޒިއޯއަށް ލިބިފައިވަނީ ފަސްދޮޅަށް ދެ ޕޮއިންޓެވެ. ލާޒިއޯ ކުޅެފައިވަނީ ހަތާވީސް މެޗެވެ.