މިއަދު ހަވީރުން ފެށިގެން އެރަށުގައި 15 ދިވެއްސަކު ރަހީނުކޮށްފައި ބަހައްޓާފައި ހުރިއިރު އެމީހުން ސަލާމަތްކުރުމަށް ފުލުހުންނާއި ސިފައިންގެ ޓީމެއް މިހާރު ވަނީ އެރަށަށް ފުރާފަ އެވެ.
އެކަމާއި ގުޅިގެން ޣައްސާން މިރޭ ކުރެއްވި ޓްވީޓެއްްގައި ވިދާޅުވީ، ރާއްޖޭގައި ދިވެހިން ރަހީނު ކުރުމަކީ ނުރައްކާތެރި ރަނގަބީލެއްގެ އަޑު ކަމަށާއި އެފަދަ ކަމެއް ތަކުރާރުވިޔަނުދިނުމަށް ސަރުކާރަށް ގޮވާލައްވާ ކަމަށެވެ.
މިރޭ މައްޗަންގޮޅި ދެކުނު ދާއިރާގެ މެމްބަރު އަހުމަދު ހައިތަމް ވެސް ވަނީ އެ އަމަލަކީ ޓެރަރިޒަމްގެ އަމަލެއް ކަމަށް ވިދާޅުވެފަ އެވެ.
ރާއްޖޭގައި މަސައްކަތް ކުރާ ބިދޭސީންގެ އަދަދު އިންތިހާއަށް އިތުރުވެފައިވާއިރު އޭގެ ތެރޭގައި ގަވައިދާ ހިލާފަށް ވެސް އެތައް ބަޔަކު ދަނީ އުޅެމުންނެވެ. މި މައްސަލައާއެކު ގިނަ ބަޔަކު އަންނަނީ ބިދޭސީންގެ މައްސަލަ ހައްލުކުރުމަށް ސަރުކާރަށް ގޮވާލަމުންނެވެ.
