އިމްރާނަކީ، 100 ނުވަތަ އެއަށް ވުރެ ގިނަ 'އޭ" ފެންވަރުގެ ބައިނަލްއަގްވާމީ މެޗު ގައުމީ ޓީމަށް ކުޅެދީފައިވާ ކުޅުންތެރިން ލިސްޓްކުރެވޭ ފީފާ ސެންޗަރީ ކްލަބުގައި ހިމެނުނު ފުރަތަމަ ދިވެހި ކުޅުންތެރިޔާ އެވެ.
ފުޓްބޯޅަ ކުޅުން މިހާރު ރަސްމީކޮށް ހުއްޓާލައި، އަދި މިހާރު ގައުމީ ޓީމުގެ ގޯލް ކީޕަރު ކޯޗިން ޓީމުގައި ހިމެނޭ އިމްރާން މުހައްމަދަކީ ފީފާ ސެންޗުރީ ކްލަބުގައި ހިމެނުނު ފުރަތަމަ ދިވެހި ކުޅުންތެރިޔާއެވެ.
ފީފާ ސެންޗުރީ ކްލަބުގައި ހިމެނުނު ފުރަތަމަ ދިވެހި ކުޅުންތެރިޔާ އިމްރާން މުހައްމަދުވަނީ ސާފް ޗެމްޕިއަންޝިޕް އެންމެ ފުރަތަމަ ކާމިޔާބު ކުރި ދިވެހި ގައުމީ ޓީމުގައި ހިމެނިފައެވެ. އިމްރާން މުހައްމަދުވަނީ ކުޅިވަރުގެ ދާއިރާއިން ކުޅިވަރު ކުޅުމާއި މީހުން ތަމްރީނު ކުރުމުގެ ރޮނގުން މިދިޔަ އަހަރު ގައުމީ އިނާމްވެސް ހާސިލްކޮށްފައެވެ.
ދެކުނު އޭޝިޔާ ސަރަހައްދުން ފީފާ ސެންޗުރީ ކްލަބުގައި ހިމެނިފައިވަނީ އިމްރާންގެ އިތުރުން އިންޑިޔާގެ ކެޕްޓަން ސުނިލް ޗެތްރީއެވެ. އިމްރާންވަނީ ރާއްޖޭގެ ގޯލް ސަތާރަ އަހަރުގެ ދިގު މުއްދަތެއްގައި ބަލަހައްޓާފައެވެ. މި މުއްދަތުގައި އިމްރާންވަނީ ރަސްމީ ސަތޭކަ ހަތް މެޗު ގައުމީ ޓީމަށް ކުޅެފައެވެ.