އާދިއްތަ ދުވަހު ރިއާލް މެޑްރިޑް މޮޅުވީ އެތުލެޓިކް ބިލްބާއޯ އަތުން އެއް ލަނޑު ސުން ލަނޑުންނެވެ. މި ނަތީޖާއާއި އެކު ރެއާލުން އެއްވަނައިގަ އޮތީ ހަތް ޕޮއިންޓުގެ ފަރަގަކާއި އެކު އެވެ. އެހެންނަމަވެސް ބާސެލޯނާއާއި ވިޔަރެއާލް އާދިއްތަ ދުވަހުގެ ރޭ ކުޅޭ މެޗުގެ ނަތީޖާ ނުކުންނަ ގޮތަކުން ރިއާލްއާ ބާސާއާ ދެމެދު އޮތް ފަރަގު ކުޑަވާނެއެވެ.

ރާމޯސްގެ ޕެނަލްޓީން ހޯދި ތިން ޕޮއިންޓާ އެކު ރެއާލުން ލީގު ތާވަލުގެ އެއްވަނައިގައި އޮތީ ކުޅުނު 34 މެޗުން ލިބުނު 77 ޕޮއިންޓާއެކުގައެވެ. ދެވަނައިގައި އޮތް ބާސެލޯނާއަށް 33 މެޗުން ލިބިފައިވަނީ 70 ޕޮއިންޓެވެ. އާދިއްތަ ދުވަހުގެ ރޭ ވިޔަރެއާލްއާ ދެކޮޅަށް ކުޅޭ މެޗަކީ ބާސާގެ 34 ވަނަ މެޗެވެ.