މަސްވެރިންގެ އަގު ވަޒަންނުކޮށް މި ގައުމަށް ކުރި އެރުން ލިބެން ނެތް ކަމަށް ޕީޕީއެމްގެ ނައިބް ރައީސް އަދި ތ. ގުރައިދޫ ދާއިރާގެ މެމްބަރު ޣައްސާން މައުމޫން ވިދާޅުވެއްޖެއެވެ.

މަސްވެރިންގެ ދުވަހުގެ މުނާސަބަތުގައި މެމްބަރު ޣައްސާން ކުރެއްވި ޓްވީޓެއްގައި ވިދާޅުވީ ކަނޑުގެ ސަރަހައްދު ބޮޑު ދިވެހިރާއްޖޭގެ މައި ރޯއްޖަކީ ކަނޑު ރޯދި ކަމަށާއި ދިވެހިންގެ ބަނޑުފުރާނަ މުއްތިކުރުމާ، ފުދުންތެރިކަން ގުޅެނީ ދިވެހި މަސްކަނޑުތަކުގައި މަސްވެރިން ކުރާ ހިންމަތަށް ކަމަށެވެ.

ދިވެހި މަސްވެރިންނަށާއި މަސްވެރިކަމަށް ތިޔާގި އަދި ފާގަތި ކުރިމަގަކަށް އެދި ދުއާކުރާ ކަމަށްވެސް ޣައްސާން ވިދާޅުވެފައިވެ އެވެ.

ދިވެހި މަސްވެރިންނަށާ މަސްވެރިކަމަށް ތިޔާގި އަދި ފާގަތި ކުރިމަގަކަށް އެދި ދުއާކުރަމުން، މަސްވެރީންގެ ދުވަހުގެ ހެޔޮއެދުމާ ތަހުނިޔާ ދިވެހި މަސްވެރީންނަށާއި، ރާއްޖޭގެ ލޮބުވެތި ރައްޔިތުންނަށް ދަންނަވަން. #FishermensDay2019

— Mohamed Ghassan Maumoon (@mgmaumoon) December 10, 2019

ސަރުކާރުން މަސްވެރިންގެ ދުވަސް މިއަދު ފާހަގަކުރަމުންދާއިރު މަސްވެރިންގެ ގިނަ ޝަކުވާތަކަކަށް ހައްލު ގެނެސްދެއްވާނެ ކަމަށް ސަރުކާރުން ބުނެ އެވެ. އަދި މިކަމުގެ އިންތިޒާރުގައި ގިނަ މަސްވެރިން ތިބި ކަމަށް މަސްވެރިންވެސް ގެންދަނީ ބުނަމުންނެވެ.