އިދިކޮޅު ކޯލިޝަނުން ޕްރޮސިކިއުޓާ ޖެނެރަލާއި އެކު ބޭއްވި ބައްދަލުވުމަށްފަހު ނޫސްވެރިން ކުރި ސުވާލުތަކަށް ޖަވާބު ދެއްވަމުން އަބްދުއްރަހީމް ވަނީ އުމަރު ނަސީރު ސީއެންއެމް ޓީވީ "އިތުރު ކާފު" ޕްރޮގްރާމުގައި ދެއްކި ވާހަކަތަކަށް ރައްދު ދެއްވާފައެވެ.
އެގޮތުން އަބްދުއްރަހީމް ވިދާޅުވީ އިދިކޮޅު ކޯލިޝަންގެ ޖާގައެއް އުމަރަށް ނެތް ކަމަށެވެ. އަދި ތަބަކަށް ލައިގެން ޕީޕީއެމް ޕީއެންސީ އުމަރުގެ އަތްޕުޅަށް ލައިދޭނެކަމަށް ވިސްނުން ނުބެހެއްޓުމަށް އަބްދުއްރަހީމް ވިދާޅުވި އެވެ.
މީގެ އިތުރުން އުމަރަކީ އަމިއްލަ ފަރުދެއް ކަމަށާއި ސިޔާސީ މައިދާނުގައި އޭނައަކީ އިދިކޮޅު ކޯލިޝަނުން ޖަވާބުދާރީ ވާންޖެހޭ މީހެއް ނޫން ކަމަށް އަބްދުއްރަހީމް ވިދާޅުވިއެވެ.
ސީއެންއެމްގެ "އިތުރުކާފު" ޕްރޮގްރާމުގައި ރޭ ބައިވެރިވެވަޑައިގެން އުމަރު ވިދާޅުވީ، އެއްވެސް ސިޔާސީ ލީޑަރެއްގެ ފަހަތުން ދެން މަސައްކަތް ނުކުރާނެ ކަމަށެވެ. އަދި ޕީޕީއެމްއާއެކު ދެން މަސައްކަތްކުރާނީ ޕާޓީގެ ލީޑަރުކަން ހަވާލުކުރުމުންކަމަށާއި އޭނާއަކީ ޔާމިންގެ ސަޕޯޓަރެއް ނޫންކަމަ އުމަރު ވިދާޅުވި އެވެ.
