ރަންބީރުގެ މަންމަ ނީތޫ ކަޕޫރް ވަނީ އާލިއާ އާ އޭނާ ވަރަށް ރުހޭ ކަމަށް އެކި ފަހަރު މަތިން ބުނެފައި ވާއިރު، އާލިއާ އާއި ނީތޫގެ ދެމެދު އޮންނަ ގާތް ގުޅުން އެކި ފަހަރު މަތިން އެ ދެތަރިން ވަނީ ސޯޝަލް މީޑިއާގައި ވެސް ހިއްސާ ކޮށްފަ އެވެ.
އެގޮތުން ނީތޫގެ އުންފަދުވަސް އިއްޔެ ފާހަގަކޮށްފައި ވާއިރު، އާލިއާ އާއި ރަންބީރު ނީތޫ އާއި އެކު ނަގާފައިވާ ފޮޓޯތަކެއް ވެސް ސޯޝަލް މީޑިއާގައި ވަނީ ހިއްސާ ކޮށްފަ އެވެ.
ކަޕޫރު ފެމިލީ އާއި އެކު އާލިއާ ރޭގަނޑުގެ ކެއުމަކަށް ގޮސް އުޅުމުގެ ތެރޭގައި ނަގާފައިވާ ފޮޓޯއެއް ވެސް އެފޮޓޯ ތަކުގެ ތެރޭގައި ހިމެނެ އެވެ. އެ ފޮޓޯގައި ރިޝީ ކަޕޫރު ވެސް ފެނިގެންދެ އެވެ.
އޭގެ އިތުރުން އާލިއާ އާއި ރަންބީރު ނީތޫގެ އިތުރުން އާލިއާ ގެ މަންމަ ސޯނީ ރަޒްދާން އާއި އެކު ނަގާފައިވާ ފޮޓޯ އައްވެސް ގިނަ ބައެއްގެ ސަމާލުކަން ވަނީ ހުއްޓިފަ އެވެ.
މި ފޮޓޯތަކުގެ ތެރެއިން ވެސް އެންމެ ފާހަގަ ކޮށްލެވޭ އެއް ފޮޓޯ އަކީ އާލިއާ އާއި ރަންބީރު، ރިޝީ އަދި ނީތޫގެ އިތުރުން ރިދިމާ ކަޕޫރާއި އެކު ނަގާފައިވާ ފޮޓޯ އެވެ. މި ފޮޓޯ ނީތޫ ޝެއާ ކޮށްފައި ވާއިރު، އޭނާ ވަނީ ފޮޓޯގެ ކެޕްޝަނެއްގެ ގޮތުގައި އާއިލާ އަކީ މުޅި ދުނިޔެ ކަމަށާއި އެތައް ލޯތްބެއް މިފަދަ ވަގުތުކޮޅުތަކުން ފެނިގެންދާ ކަމަށް ލިޔެފަ އެވެ.
