ހެލްތު އެމަޖަންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު، ޑރ. ނަޒްލާ ވިދާޅުވީ، މިފަހަކަށް އައިސް ޕޮޒިޓިވްވި މީހަކާއި ކޮންޓެކްޓްވެފައިވާ މީހުން ކަރަންޓީން ކުރުމުން، ބޭރަށް ނިކުމެ ރެންޑަމްކޮށް ސާމްޕަލް ނަގަމުން އަންނަ ކަމަށެވެ.
އެގޮތަށް މީހުން ރެންޑަމްކޮށް ސާމްޕަލް ނަގަމުން އަންނަނީ އޮފީހުން އެގޮތަށް ބޭނުންވެގެން ނުވަތަ އެމީހުން އަމިއްލައަށް އެގޮތަށް ބޭނުންވެގެން ކަމަށް ވެސް ވިދާޅުވި އެވެ.
ޑރ. ނަޒްލާ ވިދާޅުވީ، ކަރަންޓީންކުރުމުން، ބޭރަށް ނުނިކުމެވޭނެ ކަމަށާއި އެމީހުން ތިބެން ޖެހޭނީ އެ ކަރަންޓީނުކުރާ ތަނެއްގައި ކަމަށެވެ. 14 ދުވަސްވަންދެން ކަރަންޓީނުގައި ތިބެންޖެހޭއިރު އެ މުއްދަތުގައި އެމީހުންނަށް ބޭރަށް ނިކުމެވޭނީ ސިއްހީ ކުއްލި ފަރުވާއެެއް ހޯދުމަށް އެކަނި ކަމަށް ވެސް ވިދާޅުވި އެވެ.
ޑރ. ނަޒްލާ އިތުރަށް ވިދާޅުވީ، ރެންޑަމްކޮށް ގޮސް ސާމްޕަލް ނަގައިގެން ނެގެޓިވްވިޔަސް އެމީހުންނަށް އަނބުރާ މަސައްކަތަށް ނުނިކުމެވޭނެ ކަމަށާއި އެއީ ބަލި ޖެހިފައިވާކަން ކަރަންޓީނުވާ ދެވަނަ ދުވަހު ނޭނގިދާނެ ކަމަށެވެ. އެގޮތުން ކަރަންޓީނުގައި 14 ދުވަހުގެ މުއްދަތަކަށް ބަހައްޓަނީ ވެސް އެ ސަބަބާހުރެ ކަމަށް ވިދާޅުވި އެވެ.
