ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ރައީސް ނަޝީދު ވިދާޅުވީ މަރު ކޮމިޝަނުން ހަދާފައިވާ ރިޕޯޓެއްގެ ޑްރާފްޓް އެ ކޮމިޝަންގެ ރައީސް ވަޑައިގެން ދެއްވިކަމަށާއި އެ ރިޕޯޓް މަޖިލީހުގެ ސިޔާސީ ޕާޓީތަކުގެ ވެރިންނާއި ހިއްސާކުރިން ކަމަށެވެ.
އެ ރިޕޯޓްގައި ވާ ވަރަށްގިނަ ވާހަކަތަކާ ގުޅޭ ތަހުގީގެއް ނުވަތަ ދައުވާއެއް ކުރުމެއް ހަމަ އެއްގޮތަކަށް ވެސް ނުހިނގާ ކަމަށް ރައިސް ނަޝީދު ވިދާޅުވި އެވެ. އަދި މަޖިލީހުގެ ކޮމިޓީންވެސް އެ މައްސަލަ ބެލުމަށްފަހު ފާހަގަވާ ކަންކަންކަމާ ގުޅޭ އިދާރާތަކަށް ހިއްސާކޮށްފައިވާކަމަށް ރައީސް ނަޝީދު ވިދާޅުވި އެވެ.
ރައީސް ނަޝީދު ވިދާޅުވީ ގާނޫނުގެ ދަށުން އުފައްދާފައިވާ ދެ ރިޔާސީ ކޮމިޝަނަށް ވެސް ގާނޫނުގައި ބުނާ މަސައްކަތް ކުރެވުނުކަމަށް ދަންނަވަން ވަރަށް ދަތިކަމަށެވެ.
ރައީސް ނަޝީދު ވިދާޅުވީ ކޮމިޝަންތައް އުވާލުމުގެ އިހްތިޔާރު ދެވިފައި އޮތީ ރައީސުލްޖުމްހޫރިއްޔާ އަށްކަމަށެވެ. އަދި އެކަމުގައި ގޮތެއް ނިންމުމުގެ ބާރު އޮތީ މެމްބަރުންގެ ކުރިމަތީގައި ކަމަށްވެސް ރައީސް ނަޝީދު ވިދާޅުވި އެވެ.
ރައީސް ނަޝީދު ވިދާޅުވީ، "ބޭކާރު ބޭނުންނެތް ހަރަދު"، މި ކޮވިޑްގެ ދަތީގައި ކުރުމުގެ އެއްވެސް ބޭނުމެއް ނެތްކަމަށެވެ.
