އެ މިނިސްޓްރީން ބުނީ 27.2 މިލިއަން ރުފިޔާ މިހާތަނަށް ދޫކޮށްފައިވާކަމަށެވެ.
އިންކަމް ސަޕޯޓު އެލަވަންސް ދޫކުރުމަށް ނިންމާފައިވަނީ، އޭޕްރީލް މެއި އަދި ޖޫން މަހަށެވެ.
އިތުރު މަސްތަކަކަށް ދޫކުރާނެކަން ނުވަތަ ނޫންކަން ކަނޑައަޅާނީ މި ތިން މަހުގެ އެލަވަންސް ދޫކުރުމަށްފަހު ކަަމަށް ސަރުކާރުން ބުނެއެވެ.
އިންކަމް ސަޕޯޓު އެލަވަންސް ގޮތުގައި ކޮންމެ މީހަކަށް ވެސް ދޫކުރުމަށް ހަމަޖެހިފައިވަނީ 5،000 ރުފިޔާއެވެ.
އެލަވަންސް ހޯދުމަށް ފޯމާއި އެކު ބޭންކް ސްޓޭޓްމަންޓާއި، މުސާރައިގެ ސުލިޕާއި، ވިޒީފާ އަދާކުރިކަން ނުވަތަ ގެއްލުނުކަން އަންގެދޭ ލިޔުން ފަދަ ލިތުންތައް ހުށަހަޅަންޖެހެއެވެ.
ކޮވިޑް 19 އާއި ގުޅިގެން ދިވެހިރާއްޖޭގައި މަސައްކަތް ކުރާ ބައި ލައްކައެއްހާ މަސައްކަތްތެރިންގެ އާމްދަނީ އަށް އަސަރުކޮށްފައިވެއެވެ.
އިކޮނޮމިކް މިނިސްޓްރީން ހެދި ދިރާސާއެއްގައި ބުނެފައިވަނީ ޖުލައިގެ ނިޔަލަށް ޓޫރިޒަމް ދާއިރާގެ 22،000 އަށްވުރެ ގިނަ މުވައްޒަފުންގެ ވަޒީފާ ގެއްލޭނެ ކަމަށެވެ.
އިންކަމްސަޕޯޓު އެލަވަންސައް އެދި ހުށަހެޅުމުގައި ހުށަހަޅަންޖެހޭ ލިޔެކިޔުންތައް ހޯދުމުގައި ދަތިތަކެއް ހުރިކަމަށް ބުނެ މަސައްކަތްތެރިން ގެންދަނީ ޝަކުވާކުރަމުންނެވެ. އެހެން ނަމަވެސް އެ މައްސަލައަށް މާބޮޑު ހައްލެއް މިހާތަނަށް ހޯދައި ދެވިފައެއް ނުވެއެވެ.