ފުލުހުން ހާމަކުރިގޮތުގައި ބުޅަލުގެ ކަރުގައި އައްސާފައި އޮތް ޕްލާސްޓިކު ކޮތަޅަކުން ދެ ގްރާމް މަސްތުވާ ތަކެއްޗާއި ދެ ސިމް ކާޑާއި މެމޮރީ ޗިޕެއް ވަނީ ފެނިފައެވެ.
ބުޅާ ބަންދުކޮށް މައްސަލަ ތަހުގީގުކުރަމުން ދަނިކޮށް ބަންދުކުރި ކޮޓަރިން އާދީއްތަ ދުވަހު ބުޅާ ވަނީ ނިކުމެ ފިލާފައެވެ.
ޖަލުން ބުޅާފިލި ހާދިސާއާ ގުޅިގެން ޖަލުން އަދި ބަޔާނެއް ނުނެރެއެވެ.
ޖަލުގެ ފާރުމަތިން މަސްތުވާ ތަކެއްޗާއި މޯބައިލް ފޯނާއި ޗާޖަރު ޖަލަށް އުކަމުންދާ ކަމުގެ ރިޕޯޓުތަކެއް މީގެ ކުރިން ވަނީ ލިބިފައެވެ.
މަސްތުވާތަކެތީގެ މައްސަލަތައް ސްރީލަންކާގައި ދަނީ އިތުރުވަމުންނެވެ. އެކަން ހުއްޓުވުމަށް ފުލުހުން ކުރަމުން ދާ މަސައްކަތުން އެންމެ އެދެވޭ ކާމިޔާބީއެއް ލިބެމުން ނުދެއެވެ.
މިދިޔަ ހަފުތާގައި ސްރީލަންކާގެ ފުލުހުން ވަނީ މަސްތުވާތަކެތި އެއްތަނުން އަނެއްތަނަށް ގެންދަން ބޭނުންކުރަމުން ދިޔަ ބާޒެއް ކޮލަމްބޯ ސަރަހައްދުން ހިފައި ހައްޔަރުކޮށްފައެވެ.