އެ އަންހެން މީހާއަކީ އިޓަލީއަށް ހިޖުރަކޮށްފައިވާ މީހުން ތިބޭ މަރުކަޒެއްގައި އުޅުނު މީހެކެވެ. އޭނާ ހެލިކޮޕްޓަރަށް ވިހެއި އެމެޖެންސީގައި ހޮސްޕިޓަލަށް ގެންދަނިކޮށެވެ. 

އަންހެން މީހާ ކޮވިޑް-19 އަށް ޕޮޒިޓިވްވެފައި ވަނީ ވިހަން ބަނޑުގައި ރިއްސަން ފެށުމުން ހެދި ޓެސްޓުންނެވެ. އޭނާ އާއި ތުއްތު ދަރިފުޅު މިހާރު އޮތީ އިޓަލީގެ ޕަލޭމޯގައި ހުރި ހޮސްޕިޓަލެއްގަ އެވެ. 

މި އަހަރު އިޓަލީއަށް ހިޖުރަ ކުރި މީހުންގެ އަދަދު އިތުރުވެފައި ވާއިރު، މިއަދު ވެސް ރެފިއުޖީން ތިބި ބޯޓަކުން ވަނީ އެގައުމުގައި އެހީއަށް އެދިފަ އެވެ. 

މި އަހަރުގެ މިހާތަނަށް 19،400 ރެފިއުޖީން ވަނީ އިޓަލީއަށް އެތެރެވެފަ އެވެ. މިދިޔަ އަހަރު މި މުއްދަތުގައި އެ އަދަދު ހުރީ 5،200 ގައެވެ.