ތައުޒިޔާގެ ދަފްތަރުގައި މިނިސްޓަރު ޝާހިދު ލިޔުއްވި މެސެޖްގައި، އިންޑިއާގެ ކުރީގެ ރައީސް އަވަހާރަވި ހަބަރު އެއްސެވީ ފުން ހިތާމަޔާއެކުގައި ކަމަށް ވިދާޅުވެފައިވާކަމަށް ފޮރިން މިނިސްޓްރީން މައުލޫމާތުދެ އެވެ.
އަދި އިންޑިއާގެ ކުރީގެ ރައީސް ޕްރަނާބް އިންޑިއާގެ ފޮރިން މިނިސްޓަރުގެ މަގާމުގައި ހުންނެވި ދުވަސްވަރު މިނިސްޓަރު ޝާހިދުވެސް ފޮރިން މިނިސްޓަރު ކަމުގައި ހުންނެވި ކަމާއި އެކުގައި ގިނަ މަސައްކަތްތަކެއް ކުރެއްވުމުގެ އުފާ ލިބިވަޑައިގެންނެވިކަމަށް މިނިސްޓަރު ޝާހިދު ވިދާޅުވެފައިވާކަމަށް ފޮރިން މިނިސްޓްރީން މައުލޫމާތު ދީފައިވެއެވެ.
އިންޑިއާގެ ކުރީގެ ރައީސް ޕްރަނާބް މުކަރުޖީ އަވަހާރަވެފައިވަނީ ވިޑް-19 އަށް ޕޮޒިޓިްވެ، ވެންޓިލޭޓަރުގައި ފަރުވާދެމުންދަނިކޮށެވެ. ސިކުނޑީގެ ސާޖަރީއެއް ހަދާފައިވަނިކޮށް ކޮވިޑް ޖެހިގެން ޕްރަނާބްއަށް ފަރުވާދޭން ފެއްޓެވީ މިދިޔަ މަހުގެ 10 ވަނަ ދުވަހެވެ.
ޕްރަނާބް މުކަރުޖީ އިންޑިއާގެ ރައީސް ކަން ކުރައްވާފައިވަނީ 2012 ވަނަ އަހަރުން ފެށިގެން 2017 ވަނަ އަހަރުގެ ނިޔަލަށެވެ.