އެމްއެންޑީއެފް އިން ބުނީ އެ ހާދިސާގެ ރިޕޯޓް ލިބިފައި ވަނީ މިއަދު މެންދުރު 11:46 ހާއިރު ކަމަށެވެ.

ޑިންގީ ހޯދުމަށްޓަކައި އެމްއެންޑީއެފްގެ ނޯދަން އޭރިއާ ކޯސްޓްގާޑު ސްކޮޑްރަންގެ ސިފައިން އެ ސަރަހައްދުގައި ހަރަކާތްތެރިވަމުންދާ ކަމަށް އެމްއެންޑީއެފްއިން ބުނެއެވެ.

ގެއްލުނު ޑިންގީ-- ފޮޓޯ: އެމްއެންޑީއެފް

މި ޑިންގީއަކީ ފުނަދޫ ދަށް ފަޅުގައި އަޅާފައި އޮތް 18 ފޫޓްގެ ޑިންގީއެއް ކަމަށާއި ގެއްލިފައި ވަނީ ފައްތިޔާ ކަނޑައިގެން ގޮސް ކަމަށް އެމްއެންޑީއެފްއިން ބުނެއެވެ.

ރާއްޖޭގެ މޫސުން ގޯސްވެ ރަށްރަށަށް ވެސް ގެއްލުންތަކެއް ލިބެމުންދާއިރު މޫސުމާ ބެހޭ ގައުމީ އިދާރާއިން ބުނީ ރާއްޖޭގެ ސަރަހައްދުގައި ހުޅަނގު މޫސުމުގެ ބާރު ގަދަވުމާއި ގުޅިގެން، ކުރިއަށް އޮތް 24 ގަޑިއިރު ވެސް މޫސުން ގޯސްވެ، ބައެއް ރަށްތަކަށް ބޯކޮށް ވާރޭވެހި، ވަޔާއި ކަނޑު ގަދަވެ، ބައެއް ރަށްތަކަށް އުދައިގެ އަސަރު ކުރާނެ ކަމަށް ލަފާކުރެވޭ ކަމަށެވެ. 

އެހެންކަމުން ހުރިހާ ފަރާތްތަކުން ހާއްސަކޮށް ކަނޑުދަތުރު ކުރައްވާ ފަރާތްތަކުން މޫސުމަށް ވަރަށް ބޮޑަށް ސަމާލުވުމަށް މެޓުން އިލްތިމާސްކުރެ އެވެ.