ފޮޓޯ: އެމްޓީސީސީ
ހުޅުދޫ ފުޓްބޯޅަ ދަނޑުގެ ސަބްބޭސްގެ މަސައްކަތް ނިމިއްޖެ
މާއިދާ މުހައްމަދު ރަޝާދު
14 ސެޕްޓެމްބަރ 2020 - 17:35:12
ސ. ހުޅުދޫ ފުޓްބޯޅަ ދަނޑުގެ ސަބްބޭސް ތައްޔާރުކުރުމުގެ މަޝްރޫއު އެމްޓީސީސީން ނިންމާލާއިފި އެވެ.
އެކުންފުނިން ބުނި ގޮތުގައި އެ މަސައްކަތް ނިންމާލާފައި ވަނީ މިމަހުގެ 10 ވަނަ ދުވަހެވެ.
ޔޫތު މިނިސްޓްރީގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދިޔަ އެ މަޝްރޫއުގެ އެއްބަސްވުމުގައި އެކުންފުނީގެ ފަރާތުން ސޮއިކުރީ މިދިޔަ އަހަރުގެ ސެޕްޓެމްބަރު 11 ގަ އެވެ.
އެ މަޝްރޫއުގެ ދަށުން 8103 އަކަ މީޓަރު ސަރަހައްދެއްގެ ސަބްބޭސް ތައްޔާރުކުރުމުގެ މަސައްކަތް ކުރެވިފައިވާ ކަމަށް އެމްޓީސީސީން ބުނެ އެވެ.
އަދި ފުޓްބޯޅަ ދަނޑު ވަށައިގެން ޕޭވްމަންޓް ހަދައި ނިންމާފައިވާ ކަމަށް ވެސް ބުނެ އެވެ. އޭގެ އިތުރުން އެ މަސައްކަތުގެ ދަށުން ދަނޑުގެ ވެލިގަނޑު އެއްވަރު ކުރުމާއި، އަޑީގައި ވަޅުލަން ޖެހޭ ހޮޅިތައް ވަޅުލުމުގެ މަސައްކަތް ވެސް ކޮށްފައިވާ ކަމަށް ބުނެ އެވެ.
އެ މަޝްރޫއަކީ 2.49 މިލިއަން ރުފިޔާގެ މަޝްރޫއެއް ކަމަށް ވެސް އެމްޓީސީސީން ބުނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
