ލީގު ކަޕްގެ ތިން ވަނަ ބުރުގައި ރޭ ލޫޓަން ދަނޑުގައި ކުޅުނު މެޗަށް ޔުނައިޓެޑުން ނުކުތީ ގިނަ ބަދަލުތަކަކާއިވެސް އެކުގައެވެ. ރޭގެ މެޗުގައި ޔުނައިޓެޑަށް ފުރަތަމަ ގޯލް ޖަހައިދިނީ ލިބުނު ޕެނަލްޓީއަކުން ހުއާން މަޓާ އެވެ. ޔުނައިޓެޑްގެ ފަހު ދެ ލަނޑު ޖެހީ ބަދަލު ކުޅުންތެރިންގެ ގޮތުގައި ކުޅެން ނުކުތް މާކަސް ރެޝްފޯޑް އާއި މޭސަން ގްރީންވުޑް އެވެ.

ރޭގެ މެޗަކީ ވެން ޑަ ބީކް ޔުނައިޓެޑަށް ކުޅުނު ދެ ވަނަ މެޗެވެ. ފުރަތަމަ މެޗުގައި ލީގުގައި ކުޅުނީ ކްރިސްޓަލް ޕެލަސްއާ ދެކޮޅަށެވެ. އެ މެޗުގައި ބަދަލު ކުޅުންތެރިއެއްގެ ގޮތުގައި ކުޅެން ނުކުމެ އޭނާވަނީ ލަނޑު ޖަހާފައެވެ. ދެވަނަ މެޗަކީ ރޭގެ މެޗެވެ. ދެވަނަ މެޗުގެ މޮޅު ކުޅުންތެރިއަކަށް ހޮވުނީ ވެން ޑަ ބީކް އެވެ.