ރައްޔިތުންގެ މަޖިލީހަށް ހުށަހަޅާފައިވާ ބިނާވެށި ޕްލޭން ކުރުމާއި ހިންގުމުގެ ބިލަށް ވާހަކަ ދައްކަވަމުން ސައީދު ވިދާޅުވީ މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ދައްކަވާ ވާހަަކަތަކާއި ވިސްނަން ޖެހޭ ކަމަށެވެ. އެގޮތުން ބޮންޑޭ ދައްކަވަނީ އެޖެންޑާ19 ގެ ވާހަކަ ކަމަށާއި، އެނެއްކޮޅުން ހުށަހަޅާ ބިލްތަކަކީ ސަރުކާރުން ހުށަހަޅާ ބިލްތައް ކަމަށް ބުނާ ކަމަށެވެ.
ސައީދު ވިދާޅުވީ މިކަންކަމުން އެނގި ހާމަވަނީ އެމްޑީޕީ ދެބަޔަކަށް ބެހިގެން ކުރިއަށްގެންދާ ބަހުސްތަކުގައި ރައްޔިތުންނަށްވާ ފައިދާއެއް ނެތް ކަމެވެ.
ބިއުރޮކްރޮސީ މިއަދު އިތުރުވަމުން އަންނަކަން ފާހަގަކޮށް ސައީދު ވިދާޅުވީ ބިނާވެށި ޕްލޭން ކުރުމާއި ހިންގުމުގެ ބިލުންވެސް އުފެދޭ ބޯޑާއި އެކު މިފަދަ ގާނޫނުތަކުން އުފެދޭ ބޯޑުތައް އިތުރުވާ ކަމަށާއި، އެކަމާ ގުޅިގެން ދައުލަތުގެ ހަރަދުތައް އިތުރުވާކަމަށެވެ.
އަދި ސައީދު ވަނީ ކޮވިޑް-19 ގެ މި ހައްސާސް ދަނޑިވަޅުގައިވެސް މަޖިލީހަށް އާމްދަނީއާ ބެހޭ އެއްވެސް ކަމެއް ނާންނަކަމަށް ވިދާޅުވެ އެކަމުގެ ކަންބޮޑުވުންފާޅު ކުރައްވާފަ އެވެ.
