ޖަމީލް ވިދާޅުވީ ލައްކަ ދުވަހު އުޒުރު ދެއްކިއްޖެ ކަމަށާއި ދިވެހިންނަށް ދެ ފިކުރުގެ ތަފާތު ވިސްނިއްޖެ ކަމަށެވެ.
ވެރިކަން ލިބޭ ކޮންމެ ފަހަރަކު އުޅޭގޮތުން މިނިވަންކަން ގެއްލި ދަރަނި ބޮޑުވެ ދިރިއުޅުން ވޭނަކަށް ވާކަމަށް ޖަމީލް ވިދާޅުވި އެވެ. ޖަމީލް ވިދާޅުވީ ދިވެހިންނަށް ރަނގަޅީ ބްރިޖް އަޅާ ތަރައްގީކޮށް ބައެއްގެ ފައިބުޑަށް ނުވެއްޓުން ކަމަށެވެ.
އެހެންނަމަވެސް ވެރިކަމުގައި ތިބީ ކޮންމެ ގޮތެއް ވަރިހަމަ ބައެއްކަމަށާއި މި ވެރިކަން ނިމޭއިރު ދިވެހިންގެ ހާލަތު މިއިން ދުވަހަކުވެސް ދަށަށް ނުދާވަރަށް ދަށަށް ގޮސް އެތައް ބަޔަކު ހާލުގައި ޖެހޭނެކަމަށް ވިދާޅުވެ ޖަމީލް ވަނީ ސަރުކާރަށް ވަރަށް ބޮޑަށް ފާޑުވިދާޅުވެފަ އެވެ.
ޖަމީލް މިހެން ވިދާޅުވެފައި ވަނީ ގުޅިލާމެހިފައިވާ ބަވަނަ ދުނިޔޭގައި ބައިނަލްއަގްވަމީގޮތުން ދިމާވެފައިވާ ބޮޑެތި މައްސަލަތައް ހައްލުކުރެވެން އޮންނާނީ ގައުމުތަކުން ގުޅިގެން ކަމަށާއި އެ ބޭނުމުގައި ގައުމުތަކުން އެހެން ގައުމުތަކުގެ ސިފައިން ވެސް ތިބޭނެކަމަށް ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވިދާޅުވެފައިވާތީ އެކަަމަށް އިޝާރާތްކުރައްވަ އެވެ.