މިރޭގެ ނޫސްވެރިންގެ ބައްދަލުވުމުގައި ޑރ. ނަޒްލާ ވަނީ ފްރޮންޓްލައިންގައި މަސައްކަތްކުރާ ފަރާތްތަކަށް ކުރިމަތިވާ ފުރައްސާރައާ ގުޅިގެން ވާހަކަ ދައްކަވާފަ އެވެ.

އެގޮތުން ވިދާޅުވީ އެފަދަ ފަރާތަކަށް ޖެއްސުންކޮށް ފުރައްސާރަކޮށްފިނަމަ، ސީރިއަސް މައްސަލައެއްގެ ގޮތުގައި ބަލާއި ކަމާއި ބެހޭ ފަރާތްތަކަށް ހުށަހަޅާނެ ކަމަށެވެ. އަދި މައްސަލަ ތަހުގީގުކުރުމަށް ފަހު އަޅަން ޖެހުނު ފިޔަވަޅެއް ވެސް އަޅާނެ ކަމަށް ވިދާޅުވި އެވެ.

ޑރ. ނަޒްލާ އެގޮތަށް ވިދާޅުވިއިރު ރޭގެ ވަގުތެއްގައި މާފަންނު މަދަރުސާގައި ސާމްޕަލް ނެގި މީހަކަށް ހަމަލާދިން މައްސަލައެއް ވެސް ފުލުުހުން އަންނަނީ ތަހުގީގުކުރަމުންނެވެ. 

އެ ތުހުމަތު ދިއްގަރު ދާއިރާގެ މެމްބަރު އިކްރާމް ހަސަނަށް ކުރި ނަމަވެސް ކަންހިނގާދިޔަ ގޮތް ކަމަށް ވިދާޅުވެ ހިއްސާކުރި ޕޯސްޓުގައި ވަނީ އެ ތުހުމަތުތައް ދޮގުކުރައްވާފަ އެވެ.