ރައީސް ނަޝީދު މިފަދައިން ވިދާޅުވެފައިވަނީ މާވަށު ދާއިރާގެ މެމްބަރު މުހައްމަދު ސައީދު މަޖިލީހުގައި ދެއްކެވި ވާހަކަތަކާއި ގުޅިގެންނެވެ.
އެގޮތުން ސައީދު ވިދާޅުވީ ރާއްޖޭގައި ކާމިޔާބުކަމާއި އެކު ވެރިކަން ކުރެއްވި ފަރާތެއް އިންނަންވީ ތަނަކީ ޖަލު ނޫން ކަމަށެވެ. އަދި ޖޭއެސްސީގައި ރައީސް ނަޝީދު އިންނަވައިގެން ރައީސް ޔަމީނަށް އިންސާފު ނުލިބޭނެ ކަމަށް ރާއްޖޭގެ ރައްޔިތުން މިހާރު ގަބޫލުކުރާ ކަމަށް ސައީދު ވިދާޅުވި އެވެ.
ސައީދުގެ ވާހަކަތަކާއި ގުޅިގެން ރައީސް ނަޝީދު ވިދާޅުވީ ރައީސް ޔާމީން މިވަގުތު އެންމެ އެދޭނެ އެއްކަމަކީ އެމަނިކުފާނު ޖޭއެސްސީގައި އިންނެވުން ކަމަށެވެ.
މީގެއިތުރުން، އިންސާފުވެރިކަމާއެކީގައި ޝަރީއަތްތައް ހިންގޭ ގޮތް މެދުވެރި ނުވެއްޖެނަމަ ކުރީގެ ރައީސުންނަށް ލިބޭނެ އަނިޔާ އާއި ގެއްލުން އިންތިހާވާނެކަމަށް ވިދާޅުވެ ވާހަކަ ދައްކަވަމުން ރައީސް ނަޝީދު ވިދާޅުވީ އިންސާފު ގާއިމު ކުރުމަށްވެސް އެމަނިކުފާނު ޖޭއެސްސީގައި އިންނަން ޖެހޭ ކަމަށެވެ.
ރައީސް ނަޝީދު ވިދާޅުވީ ޖޭއެސްސީގައި އިންނަވައިގެން ކުރައްވާ ހުރިހާ މަސައްކަތެއްވެސް ކުރައްވާނީ އިންސާފުވެރިކަމާއި، މަދަދުވެރިކަމާއެކުކަމަށެވެ.