މެޓުން އެލާޓް ނެރެފައި ވަނީ މިއަދު ހެނދުނު 07:45 އިން 11:45 އަށް ށ. އަތޮޅާއި އދ. އަތޮޅާ ދެމެދުގެ ރަށްތަކަށެވެ.

މެޓުން ބުނީ އެ ސަރަހައްދުތަކަށް ގުގުރުމާއެކު ބޯކޮށް ވާރޭ ވެހޭނެ ކަމަށް ލަފާ ކުރެވޭ ކަމަށާއި ވައި ގަދަވެ ކަނޑުތައް ވެސް ގަދަ ވާނެ ކަމަށެވެ.

އެގޮތުން ގަޑިއަކު 25 މޭލާއި 30 މޭލާ ދެމެދުގެ ބާރު މިނެއްގައި ވައި ޖެހޭނެ ކަމަށާއި ވިލާގަނޑުގައި ގަޑިއަކު 50 މޭލަށް ވައި ގަދަވާނެ ކަމަށް ލަފާކޮށްފައި ވެއެވެ.

މެޓުން ބުނެފައި ވަނީ ރާއްޖޭގެ މޫސުން ގޯސްވެފައި ވަނީ މި ސަރަހައްދުގައި އުފެދިފައިވާ ލޯ ޕްރެޝާ ޓްރަފެއްގެ ސަބަބުން ކަމަށެވެ.