ބޯޑަރު ހުޅުވުމަށް ފަހު އެމްއެމްޕީއާރްސީން ބައިވެރިވި ފުރަތަމަ ފެއާގައި ވަނީ ރާއްޖެ ތަމްސީލް ކުރުމަށް 32 އަކަފޫޓުގެ ބޮޑު ސްޓޭންޑެއް ބަހައްޓާފަ އެވެ.

އޮކްޓޯބަރު 14 އިން 16 އަށް ކުރިއަށް ދާ ފެއާގައި އެމްއެމްޕީއާރްސީގެ އިތުރުން ސަން ސިޔާމް އަދި ވޮޖޭޖަސް މޯލްޑިވްސް ގެ ފަރާތުން ބައިވެރިވެ އެވެ.

މި ފެއާގައި ބައިވެރިވުމުގެ މަގްސަދަކީ އިޓަލީގެ ޓުއާ އޮޕަރޭޓަރުންނާ ބައްދަލުކޮށް، އެގައުމުން ރާއްޖެ އަންނަ ފަތުރުވެރިން އިތުރު ކުރުމާ ގުޅޭ ގޮތުން މަޝްވަރާ ކުރުމެވެ.

މި އަހަރުގެ މާޗް މަހުގެ ނިޔަލަށް ރާއްޖެއަށް އެންމެ ގިނަ ފަތުރުވެރިން އައިސްފައި ވަނީ އިޓަލީންނެވެ. އެގޮތުން 52،848 އިޓަލީ ފަތުރުވެރިން އައި ކަމަށް ތަފާސްހިސާބުން ދައްކަ އެވެ.