އެކަމާއި ގުޅިގެން ހެލްތު މިނިސްޓްރީގެ ޑެޕިއުޓީ ޑިރެކްޓާ ޖެރަނަލް ތަސްލީމާ އުސްމާން ވިދާޅުވީ އެ ރަށުން ޕޮޒިޓިވްވެފައި ވަނީ ތިން މީހެއް ކަމަށެވެ. 

އެކަމަކު ކުޅުދުއްފުށީގައި ހިންގަމުން އަންނަ ކޭއޯގައި ރިޕޯޓްކުރާ ގޮތުގައި މިއަދު ޕޮޒިޓިވްވި މީހުންގެ ތެރެއިން ދެ މީހުންނަކީ ޕޮލިސް ސްޓޭޝަނުގެ ކޭޓަރިންގެ މަސައްކަތުގައި ހަރަކާތްތެރިވަމުންދާ ކާނިވަލް ކޮމްޕެނީގެ ދެ މީހެކެވެ. 

މީގެ ކުރިން ވެސް ވަނީ ކުޅުދުއްފުށީ ޕޮލިސް ސްޓޭޝަނުގައި މަސަައްކަތްކުރާ ފުލުހަކު ކޮވިޑަށް ޕޮޒިޓިވްވެ، އޭނާއާ ކޮންޓެކްޓްވި ނުވަ މީހަކު ޕޮޒިޓިވްވެފަ އެވެ. 

އެންމެ ފުރަތަމަ ޕޮޒިޓިވްވި ފުލުސް މީހާ ވަނީ އެ ސަރަހައްދުގެ އެކި ސްޓޭޝަންތަކަށް މަސައްކަތަށް ގޮސްފައި ކަމުން، އެކި ރަށްރަށުން އޭނާއާ ދިމާވި މީހުން ޕޮޒިޓިވްވެފައިވާއިރު ރެންޑަމް ސާމްޕަލްތަކެއް ވެސް ނެގުން އެރަށްރަށުގައި ކުރިއަށް ގެންދިޔަ އެވެ.