މާލެ އާއި ވިލިމާލެ އަދި ހުޅުމާލޭގެ މާރުކޭޓުތަކާއި ހުސް ބިންތަކުގެ ކުލި މިހާރު ދައްކަން ޖެހެނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށެވެ.
ޕީއެސްއެމްގެ ޓީވީ ޕްރޮގްރާމެއްގައި ވާހަކަދައްކަވަމުން މާލޭގެ މޭޔަރު ޝިފާ މުހައްމަދު ވިދާޅުވީ ކައުންސިލުގެ ބެލުމުގެ ދަށުން ކުއްޔަށް ދީފައިވާ ބައެއް ތަންތަނުގެ ކުލި މިހާރު ވެސް ކައުންސިލަށް ލިބޭ ކަމަށެވެ.
އޭގެ އިތުރުން ވެސް މާރުކޭޓުތަކާއި ބައެއް ހުސް ބިންތަކުގެ ކުލި ކައުންސިލަށް ލިބޭނެ ގޮތް ހެދުމަށް މަޝްވަރާތައް ކުރިއަށް ދާ ކަމަށް ޝިފާ ފާހަގަކުރެއްވި އެވެ.
މީރާ އާއެކު ކުރެވުނު މަޝްވަރާތަކުގެ ސަބަބުން 10 ބާވަތެއްގެ ކުލީގެ ފައިސާ މިހާރު ވެސް ބަނޑޭރި ޕޯޓަލް މެދުވެރިކޮށް ސިޓީ ކައުންސިލަށް ލިބެމުންދާ ކަމަށް ޝިފާ ވިދާޅުވި އެވެ.
އެއީ ސިނަމާލެ އަދި މާލެ ހިޔާ ފްލެޓުތަކުގެ ކުއްޔާއި، ޕާކިން ޒޯނުތަކާއި، އިޖުތިމާއީ ކަންކަމަށް ދޫކޮށްފައިވާ ޕާކުތަކުގެ ކުއްޔަށްވާ ފައިސާ އެވެ.