އދ. ގެ ޖެނަރަލް އެސެމްބްލީގެ 75 ވަނަ ބައްދަލުވުމުގެ ފުރަތަމަ ކޮމިޓީގައި ރާއްޖޭގެ ފަރާތުން އެގޮތަށް ގޮވާލައްވާފައި ވަނީ ރާއްޖެއިން އދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ތިލްމީޒާ ހުސެއިންނެވެ.
އެ ބައްދަލުވުމުގައި ވާހަކަ ދައްކަވަމުން ތިލްމީޒާ ވަނީ ދުނިޔޭގެ ގައުމުތަކުން ހަތިޔާރު ގަތުމަށް ބިލިއަނުން ފައިސާ ހަރަދުކުރަމުންދާ ކަމަށާއި އޭގެ ބަދަލުގައި ދުނިޔެއިން ފަގީރުކަން ނައްތާލުމަށާއި ތިމާވެށީގެ މައްސަލަތަކަށް ހަަދުކުރުމަށް ގޮވާލައްވާފަ އެވެ.
އަދި އޭގެ ބަދަލުގައި ކޮވިޑް-19 އިން އަރައިގަތުމަށް ކުރާ މަސައްކަތަށް ވެސް އެގޮތަށް ފައިސާ ހަރަދުކުރުމަށް ވަނީ ގޮވާލައްވާފަ އެވެ.
ރާއްޖެއަކީ މިހާރު ވެސް އަދި ކުރިއަށް އޮތް ތަނުގައި ވެސް ހަތިޔާރު އުފައްދާނެ ގައުމަށް ނޫން ކަމަށް ވިދާޅުވެ، ޓްރީޓީ އޮން ނަން-ޕްރޮލިފަރޭޝަން އޮފް ނިއުކްލިއާ ވެޕަންސް މުއާހަދާގައި އެންމެ ފުރަތަމަ ސޮއިކުރި އެއް ގައުމަކީ ރާއްޖެ ކަމަށް ޝާހިދު ވިދާޅުވެފައިވެ އެވެ.