އެމްޓީސީސީގެ މެނޭޖިން ޑިރެކްޓަރު އާދަމް އާޒިމް ވިދާޅުވީ  ތިނަދޫ ކޮވިޑް ފެސިލިޓީގެ މަސައްކަތް ނިންމަައި ޕްލޭނިން އެންޑް ހައުސިން މިނިސްޓްރީއާ ހަވާލުކޮށްފައިވާ ކަމަށެވެ. 

އަދި އެ މަސައްކަތް ނިންމަން ހޭދަވީ އެންމެ ވިހި ދުވަސް ކަމަށް ވެސް އާޒިމް ވިދާޅުވި އެވެ.  

އެރަށުގައި ކޮވިޑް ފެސިލިޓީ އަޅަން ނިންމާފައި ވަނީ އެރަށުން ކޮވިޑް ޖެހުނު ހައި ރިސްކް މީހަކު ވިލިނގިލީ ކޮވިޑް ފެސިލީޓީގައި ފަރުވާދޭން ދެކޮޅު ހެދި މައްސަލައެއް ހޫނުވެ އެވެ. 

ތިނަދޫގައި ގާއިމުކުރަނީ 21 އެނދުގެ ކޮވިޑް ފެސިލިޓީ އެކެވެ. އެގޮތުން ހަ އެނދުގެ އައިސީޔޫ ބެޑާއި 15 އައިސޮލޭޝަން ބެޑް އެތަނުގައި ހިމެނެ އެވެ. 

އެރަށުގައި ކޮވިޑް ފެސިލިޓީއެއް ގާއިމުކުރުމުގެ މަސައްކަތް އެމްޓީސީސީން ފަށާފައި ވަނީ 25 ސެޕްޓެމްބަރުގަ އެވެ.