ރާއްޖެ އާއި އެމެރިކާގެ ދިފާއީ އަދި ސަލާމަތީ ގުޅުން އިތުރަށް ވަރުގަދަކުރުމަށްޓަކައި ދެގައުމުގެ ސަރުކާރުން ގުޅިގެން ފްރޭމްވޯކްއެއް އެކުލަވާލާ އެ އެއްބަސްވުމުގައި ސޮއިކުރީ މިދިޔަ މަހު އެވެ.
"ނިކީ އޭޝިއަން ރިވިއު" އަށް ދެއްވި އިންޓަވިއުގައި ޓެޕްލިޒް ވިދާޅުވީ އެ އެއްބަސްވުމުގެ ސަބަބުން އެމެރިކާއިން އުފައްދާފައިވާ "އިންޑޯ ޕެސިފިކް އެލަޔަންސް" ގެ މެމްބަރަކަށް ރާއްޖެ ވުމަށް މަގުފަހިވާނެ ކަމަށެވެ.
އެމެރިކާއިން އިންޑޯ ޕެސިފިކް އެލަޔަންސް އުފެއްދީ އިންޑިއާ އަދި ޕެސިފިކް ކަނޑުގައި ޗައިނާގެ ނުފޫޒު ފަތުރާ ކަމަށް ބުނެ، އެ މަސައްކަތަށް ހުރަސް އެޅުމަށެވެ.
އިންޑޯ ޕެސިފިކް އެލަޔަންސްގެ މެމްބަރަކަށް ވުމަށް ރާއްޖެއަށް މަގުފަހިވެފައިވާ ކަމަށް ސަފީރު ވިދާޅުވެފައި ވާއިރު، އަންނަ ބުދަ ދުވަހު އެމެރިކާގެ ފޮރިން ސެކެޓްރީ މައިކަލް ޕޮމްޕިއޯ ރާއްޖެ ވަޑައިގެންނެވުމަށް ވަނީ ހަމަޖެހިފަ އެވެ.