ބާރަ މިލިއަން ރުފިޔާއަށް ޕޮލިސް ވެލްފެއަ އާ ހަވާލުކޮށްފައިވާ މި މަސައްކަތަކީ، ކުޅިވަރު ކުޅޭ ގައުމީ ފެންވަރުގެ ތަންތަން އުފެއްދުމާއި ޒުވާނުންގެ ހަރަކާތްތައް ހިންގުމަށް ބޭނުންވާ އެފަދަ ތަންތަން އިމާރާތް ކުރުމުގެ މަޝްރޫއުތައް ހިމެނޭ ސިޔާސަތުގެ ދަށުން ކުރާ މަސައްކަތެއް ކަމަށް ޔޫތު މިނިސްޓްރީން ކުރިން ވަނީ ބުނެފަ އެވެ.
ބާރަ މިލިއަން ރުފިޔާއަށް ހަވާލު ކުރި މި ޕްރޮޖެކްޓް ނިމިފައި ނުވާއިރު، މިއީ ބައިބޯ މާލޭގެ އެންމެންވެސް ކަސްރަތުކުރުމަށް ބޭނުން ކުރަމުން އައި ތަނެވެ. މި ތަނުގެ މަސައްކަތް ސެޕްޓެމްބަރު މަހުގެ ދެވަނަ ދުވަހު ހަވާލުކޮށްފައިވަނީ ދެ މަސް ދުވަހުގެ ތެރޭގައި ނިންމާ ގޮތަށެވެ. އެހެންނަމަވެސް އެ މުއްދަތު މިހާރު ފަހަނަ އަޅައި ގޮސްފައިވާއިރު، ނޮވެމްބަރު މަހުގެ އެގާރަވަނަ ދުވަހު އެތަން ހުޅުވަން މަސައްކަތް ކުރައްވާ ކަމަށް ކުޅިވަރު ވަޒީރު ކުރިންވަނީ ވިދާޅުވެފައެވެ.
މިކަމާއި ގުޅިގެން ޔޫތު މިނިސްޓްރީގެ ބަހެއް ވަނީ ލިބޭ ގޮތް ނުވެފަ އެވެ.
ކުޅިވަރު ވުޒާރާއިން އެކި ފަރާތްތަކާއި ހަވާލުކޮށްފައިވާ މި ފަދަ އެތައް ޕްރޮޖެކްޓެއް ކުރިންވެސް އެކި ފަހަރު މަތިން އެތައް ދުވަހަކަށް ލަސްވެފައިވާކަމަށް ވެ އެވެ. މި ގޮތުން، މާލޭ ފަތާ ޓްރެކްގެ މަސައްކަތްވެސް ފުރަތަމަ ނިންމަން ކަނޑައެޅި ދުވަސް ފާއިތުވެގެން އެތައް ދުވަހެއްވީ އިރުވެސް އަދިވެސް އެ މަސައްކަތް ވެސް ނުނިމޭ ކަމަށް ވެއެވެ.