އެމްޑަބްލިއުއެސްސީ އިން ބުނީ ސިޓީ ކައުންސިލްގެ "ސްޓްރީޓް ސްކޭޕިން" މަޝްރޫއުގެ ދަށުން މިހާރު މަސައްކަތް ކުރަމުންދާ ކަނބާ އައިސާ ރަނި ހިނގުމުގައި ކުރިން އަޅާފައި އޮތް ނަރުދަމާ ހޮޅި އާއި، ފަހުން އަޅާފައިވާ އާ ނަރުދަމާ ހޮޅި ގުޅުވާލުމުގެ މަސައްކަތް މިރޭ ދަންވަރު 12:00 އާއި 02:00 އާއި ދެމެދު ކުރިއަށްދާނެ ކަމަށެވެ.
އެހެންކަމުން މިރޭ ދަންވަރު މަސައްކަތް ހިނގަމުންދާ ވަގުތު ސިންކް އާއި ފާހާނާ ބޭނުން ނުކުރުމަށް އެމްޑަބްލިއުއެސްސީ އިން ވަނީ އެ ސަރަހައްދުގައި ދިރިއުޅޭ ފަރާތްތަކަށް އިލްތިމާސްކޮށްފަ އެވެ.
މާލޭ ސިޓީ ކައުންސިލުން ކުރިއަށް ގެންދާ "ސްޓްރީޓް ސްކޭޕިން" މަޝްރޫއުގެ ދަށުން މާލޭގެ މަގުތައް ޒަމާނީ ފެންވަރަކަށް ތަރައްގީ ކުރުމާއި، ޓްރެފިކްގެ މައްސަލަތަކަށާއި، ފެންބޮޑުވުމުގެ މައްސަލަތަކަށް ހައްލެއް ގެނައުމުގެ ގޮތުން މާލޭގެ މަގުތައް ވަކި ގޮތަކަށް ތަރުތީބު ކުރުން ހިމެނެ އެވެ.