ފާއިތުވި ދެއަހަރު ހަޔާ އެޑިޔުކޭޝަން މިނިސްޓްރީން ކޮށްފައިވާ މަސައްކަތްތަކާއި ބެހޭގޮތުން ސީއެންއެމްއަށް ދިން ހާއްސަ އިންޓަވިއުއެއްގައި މިނިސްޓަރު އިބްރާހިމް ހަސަން ވިދާޅުވީ އަތޮޅުތެރޭގަައި ކިޔަވަން ބޭނުންވެ އެފުރުސަތުތައް ފަހިވެފައި ނެތް ކުދިންނަށް ހާއްސަކޮށްގެން ފުރުސަތުތައް ފަސޭހަކަމާއި އެކީ ފޯރުކޮށްދިނުމަށް ވިސްނުންތަކެއް ގެންގުޅުއްވާ ކަމަށެވެ.
މިނިސްޓަރު ވިދާޅުވީ އެ މިނިސްޓްރީގެ މިހާރުގެ ވިޝަން އަކީ ކުރީގައި ނެތް ލުއި ފަސޭހަ ކަންތައްތަކެއް މުސްތަގުބަލުގައި ދަރިވަރުންނަށް ފަހިކޮށްދިނުން ކަމަށާއި މުސްތަގުބަލުގައި އަތޮޅުތެރޭގައި ތިބެގެން ތައުލީމް ހާސިލުކުރަން ބޭނުންވާ ދަރިވަރުންނަށް ވެސް އެ ފުރުސަތުތައް ފަހިކޮށްދިނުމަށް ކަމަށެވެ. ޖޫނިއާ ކޮލެޖް ތަކާއިއެކު ދަނާލްތައް އުފެދިގެންދިޔުމުން އެފަދަ ކުދިންނަށް އެ ފުރުސަތުތައް އެންމެ ފަހިގޮތެއްގައި ފޯރުކޮށްދެވިގެންދާނެކަމަށް މިނސްޓަރު ވިދާޅުވިއެވެ.
މިނިސްޓަރު އިތުރަށް ވިދާޅުވީ އެ މިނިސްޓްރީން ކުަރަމުންދާ މަސައްކަތުގައި ދިވެހި ޒުވާނުންގެ ބައިވެރިވުން މުހިންމުކަމަށާއި ވަޒީފާގެ ބާޒާރަށް ޒުވާނުން ނިކުންނަން ތައްޔާރުވާން ޖެހޭކަމަށެވެ. މިނިސްޓަރު ވަނީ ވޭތުވެ ދިޔަ ދެއަހަރު ތެރޭގައި މިނިސްޓްރީން ގިނަ ކާމިޔާބީތަކެއް ހޯދާފައިވާކަމަށާއި ކޮވިޑް-19 ގެ ދަތި އުނދަގޫތުގައިވެސް މީހުން ބިނާ ކުރުމަށްޓަކައިވެސް ބޮޑެތި މަސައްކަަތްތަކެއް ކުރައްވާފައިވާ ކަމަށެވެ. އެގޮތުން މިއަހަރު އެ މިނިސްޓްރީން އިއުލާންކުރި ލޯން ސްކީމް އޭރު އިއުލާން ކުރިގޮތަށް ކުރިއަށް ގެންދެވިފައިވާކަން އެއީ އެކަމުގެ ހެއްކެއް ކަމަށް މިނިސްޓަރު ވިދާޅުވިއެވެ.