ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާއްމުކުރި އެންމެ ފަހުގެ މައުލޫމާތުތަކުން ދައްކާގޮތުގައި ރިސޯޓްތަކުން ޕޮޒިޓިވްވި ފަތުރުވެރިންގެ އަދަދު މިހާރު އުޅެނީ 42 ގައެވެ. އަދި ރިސޯޓްތަކުގައި މަސައްކަަތްކުރާ މުވައްޒަފުންގެ ތެރެއިން އިތުރު 45 މީހަކު ޕޮޒިޓިވްވެ ކޮވިޑް-19 އަށް ޕޮޒިޓިވި މުވައްޒަފުންގެ އަދަދު ވަނީ 158 އަށް އަރާފައެވެ.
މިރޭ އާއްމުކުރި މައުލޫމާތައް ބަލާއިރު އިތުރު ދެ ރިސޯޓުން ކޮވިޑް-19 ޖެހިފައިވާ މީހުން ވަނީ ފެނިފައެވެ. އެޔާއިއެކު މިހާތަނަށް ކޮވިޑް-19 ގެ ކޭސްތައް 27 ރިސޯޓަކުން ވަނީ ފެނިފައެވެ.
މިއަދަދު މައްޗައް އަރާފައިމިވަނީ ރާއްޖޭގެ ބޯޑަރުތައް ހުޅުވާލާ ރިސޯޓްތަަށްވެސް ހުޅުވާލިތާ ފަސް މަސް ފަހުންނެވެ. ބޯޑަރު ހުޅުވާލުމަށްފަހު ރިސޯޓްތައް ހުޅުވާލިފަހުންވެސް ކޮވިޑް-19 ގެ އަދަދުތައް ގިނަ ދުވަސްތަކަކަށް ހިފެހެެއްޓިފައި ހުރިކަން ފާހަގަކުރިފައިވެއެވެ.
ރިސޯޓްތަކުން ފެންނަ ކޭސްތައް މަތިވެފައި މިވަނީ ދ. އަތޮޅުގައި ހިންގާ ކަނޑިންމަ ރިސޯޓުގައި މަސައްކަތް ކުރި އުމުރުން 60 އަހަރުގެ މުވައްޒަފަކު ކޮވިޑް-19 ޖެހިގެން މަރުވުމާއި ގުޅިގެން ހެދި ސާމްޕަލްތަކުން އެރިސޯޓުގެ ގިނަ އަދަދެއްގެ މުވައްޒަފުންތަކެއް ކޮވިޑަށް ޕޮޒިޓިވް ވެފައިވާތީ އެވެ.