މޭގަން ލިޔެފައިވާ އާޓިކަލެއްގައިވާ ގޮތުން އެ ހާދިސާ ހިނގީ މިދިޔަ ޖުލައި މަހު އެވެ. އަދި ދެވަނަ ދަރިފުޅު ބީވެގެން ދިޔުމުން މޭގަން އާއި ހެރީއަށް ވެސް ފުންހިތާމައެއް ކުރިމިތިވި ކަމަށް ލިޔެފައި ވެއެވެ.
އެ ވާހަކަ ލިޔެފައިވަނީ ނިއު ޔޯކް ޓައިމްސްގަ އެވެ. މޭގަން ލިޔެފައިވާ ގޮތުން ދަރިފުޅު ބީވެގެން ދިޔުމުން މުޅި މި އަހަރުވެސް އެކަމުގެ ހިތާމައާ ކުރިމަތިލަމުންދާ ކަމަށެވެ.
އުމުރުން 39 އަހަރުގެ އެކްޓްރެސް ލިޔެފައިވާ ގޮތުގައި އެ ތަޖުރިބާ ހިއްސާ ކުރުމުގެ ބޭނުމަކީ އެފަދަ ކަންކަމާ މެދު ހޭލުންތެރިކަން އިތުރުކޮށް، އެކަކު އަނެކަކުގެ ހާލު ބެލުމަށް ބާރު އެޅުމެވެ.
ރިޕޯޓުތައް ބުނާ ގޮތުން އެ ހާދިސާއަށް ފަހު މިހާރު މޭގަންގެ ހާލު ރަނގަޅެވެ. މޭގަން އާއި ހެރީ ވަނީ ޝާހީ ޒިންމާތަކާ ދުރަށް ޖެހި، ދިރިއުޅުން އެމެރިކާގެ ކެލިފޯނިއާއަށް ބަދަލުކޮށްފަ އެވެ.
އެމީހުންގެ ފުރަތަމަ ދަރިފުޅު އާޗީ އުފަންވެފައި ވަނީ މޭ 6 2019 ގައެވެ.
