މި ބައްދަލުކުރެއްވުމުގައި މިނިސްޓަރު ޝާހިދުވަނީ، ދިވެހިރާއްޖެއާއި މުސްލިމް ވޯލްޑް ލީގާއި ދެމެދު ފާއިތުވި އަހަރުތަކުގައި އޮތް ގާތް ބަދަހި ގުޅުމާ ބެހޭ ގޮތުން މަޝްވަރާކުރައްވާފައެވެ.
މި ސެންޓަރާއި ގުޅޭ އިތުރު މައުލޫމާތެއް އަދި ފޮރިން މިނިސްޓްރީން ހާމައެއް ނުކުރެއެވެ. ނަމަވެސް މުސްލިމް ވޯލްޑް ލީގްގެ އޮފީހެއް ވެސް ރާއްޖޭގައި ގާއިމް ކުރުމަށް މަޝްވަރާކުރިކަމަށް ބުންޏެވެ.
މިނިސްޓަރު ވިދާޅުވީ، ރަސްގެފާނު ސަލްމާން ބިން އަބްދުލްއަޒީޒް އާލް ސައޫދުގެ ދީލަތި އެހީފުޅާއެކު ކުރިއަށްދާ މި މަސައްކަތް ނިމުމުން އެ މިސްކިތް ވެގެންދާނީ ރާއްޖޭގައި ހުރި އެންމެ ބޮޑު މިސްކިތްކަމަށާއި، އަދި އެމިސްކިތް ވެގެންދާނީ ދެގައުމުގެ ދެމެދުގައި އޮންނަ ގާތް އަހުވަންތަކަމުގެ ގުޅުމުގެ ރަމްޒަކަށް ކަމަށެވެ.
މީގެއިތުރުން މިނިސްޓަރު ޝާދިހުދަނީ، އިސްލާމް ދީނުގެ ދައުވަތު ފުޅާކޮށް، ކީރިތި ގުރުއާނާއި ކީރިތި ރަސޫލާގެ ސުންނަތުން އައިސްފައިވާ އިސްލާމްދީނުގެ ހަމަތައް އުނގަންނައިދިނުމަށް މުސްލިމް ވޯލްޑް ލީގުން ކުރަމުންދާ މަސައްކަތުގައި ސެކްރެޓަރީ ޖެނެރަލް ކުރައްވާ މިންނެތް ބުރަ މަސައްކަތް ފާހަގަކުރެއްވާފައެވެ.
މި ބައްދަލުވުމުގައި ފޮރިން މިނިސްޓަރ ޝާހިދުގެ އަރިހުގައި ދިވެހިރާއްޖެއިން ސަޢޫދީ ޢަރަބިއްޔާއަށް ކަނޑައަޅާފައި ހުންނަވާ ސަފީރު މުޙައްމަދު ޚަލީލު ބައިވެރިވެވަޑައިގަތެވެ.
މި ބައްދަލުވުން ބައްވާފައިވަނީ، ފޮރިން މިނިސްޓަރު އަބްދުﷲ ޝާހިދު، އޯއައިސީ ހާރިޖީ ވަޒީރުންގެ ބައްދަލުވުމަށް ނިޖާ އަށް ވަޑައިގަތުމުގެ މަގުމަތީގައި، ރިޔާޟްގައި ޓްރާންސިޓް ވުމަށްފަހުއެވެ. އޯއައިސީ ހާރިޖީ ވަޒީރުންގެ ބައްދަލުވުން މާދަމާ ފެށޭނެއެވެ.
