މިފަހުން އަނުޝްކާ ނޫހަކަށް ދިން އިންޓަވިއުއެއްގައި ވަނީ ކޮވިޑްގެ މިދަތި ހާލަތުގައި ވެސް އަލުން ފިލްމުތަކުގެ މަސައްކަތްތަކާއި އަދިވެސް އިތުރު ޝޫޓިންތައް ފެށިގެން ކުރިއަށްދާތީ އެކަމަށް އުފާވާ ކަމަށް ބުނެފަ އެވެ.
އެގޮތުން ކޮވިޑްގެ މިދަނޑިވަޅުގައި ރައްކާތެރިކަމުގެ ތަފާތު ފިޔަވަޅުތަކާއެކު ޝޫޓްކުރަމުން އަންނައިރު އޭނާއަށްޓަކައި ވެސް ބައެއް ފިޔަވަޅުތައް އަޅާފައިވާތީ އެކަމާއި އުފާވާ ކަމަށް ބުނެ އެވެ.
އަދި ވިހެއުމަށް ފަހު އަނބުރާ މަސައްކަތަށް އަންނާނެކަން ފާހަގަކުރަމުން އަނުޝްކާ ވަނީ އެއަށް ފަހު އޭނާ ޖެހޭނީ ގޭގައި ހޭދަކުރާ ވަގުތާއި މަސައްކަތުގައި އުޅޭ ވަގުތު ބެލެންސްކުރަން ކަމަށް ބުނެފަ އެވެ. އަދި ދުނިޔޭގައި ހުރިހާ ހިނދަކު ފިލްމު ކުޅުން ހުއްޓާލުމުގެ ވިސްނުން ނެތްކަމަށް ބުނެ އަނުޝްކާ ވަނީ އެކްޓިންއަކީ އޭނާއަށް އުފާވެރިކަން ލިބޭ ކަމެއް ކަމަށް ބުނެފަ އެވެ.
ބޮލީވުޑުގެ މަޝްހޫރު ބަތަލާ އަނުޝްކާ ޝަރްމާ އާއި ކާމިޔާބު ކްރިކެޓް ކުޅުންތެރިޔާ ވިރާޓް ކޯލީއަކީ ބޮލީވުޑުގެ އެންމެ ލޯބި އެއް ޖޯޑެވެ. 2017 ވަނަ އަހަރު އިޓަލީގައި ދެމީހުން ކައިވެނި ކުރިއިރު އެމީހުންގެ ކައިވެނީގެ ފޮޓޯތަކަށް ވެސް ބޮޑު ސަމާލުކަމެއް ލިބުނެވެ.
