ޖަޕާނުން ވަނީ މިހާތަނަށް ކޮވިޑް-19 ގެ 290 މިލިއަން ޑޯޒް ގަންނަން ވެކްސިން އުފައްދާ ކުންފުނިތައް ކަމުގައިވާ ފައިޒާ، އެސްޓްރަޒެނިކާ އަދި މޮޑާނާ އެެވެ. 

ފައިޒާގެ ވެކްސިން ރައްކާ ކުރެވޭނީ -75 ޑިގްރީ ސެލްސިއަސް ގައި ކަމަށްވާއިރު މޮޑާނާގެ ވެކްސިން ރައްކާ ކުރެވެނީ -20 ޑިގްރީ ސެލްސިއަސް އެވެ. އެހެން ކަމުން ގައުމުތަކުން ވެކްސިން ރައްކާ ކުރުމުގައި ގިނަ ގޮންޖެހުން ތަކާ ކުރިމަތިލާން ޖެހިފައިވެއެވެ.

ފައިޒާ އަދި މޮޑާނާ އިން ވެސް ވަނީ ޖަޕާނުގެ ކުންފުނިތަކާއި ގުޅިގެން ވެކްސިން ރައްކާކޮށް ވެކްސިން ޖެހުމުގެ ކަންތަކުގައި ބައިވެރިވާން ނިންމާފަ ކަމަށް އެގައުމުގެ ސިއްހަތާ ބެހޭ މިނިސްޓްރީ އިން ނެރުނު ބަޔާނެއްގައި ވެއެވެ.

ޖަޕާނުން މިހާތަނަށް 165،000 މީހުން ކޮވިޑަށް ޕޮޒިޓިވްވެފައިވާއިރު އެގައުމުން މަރުވި މީހުންގެ އަދަދު އުޅެނީ 2،417 ގައެވެ. ބުދަ ދުވަހު އެކަނިވެސް އެގައުމުން 2600 އަށް ވުރެ ގިނަ މީހުން ވަނީ ބައްޔަށް ޕޮޒިޓިވްވެފައި ވެއެވެ.