އާއްމުވި ފޮޓޯތަކާއި ވީޑިއޯތަކުން ފެންނަނީ ކްލިނިކުން ނިކުމެ ކާރު އަންނަން ދެ މީހުން މަޑުކޮށްގެން ތިބޭ މަންޒަރާއި ކާރަށް އަރައިގެން ދާ މަންޒަރެވެ. އެތަނުގައި ދެ މީހުން ތިބިއިރު ސައިފް އަމަލު ކުރި ގޮތަށް ވެސް ގިނަ ބަޔަކު ދަނީ ތައުރީފު ކުރަމުންނެވެ.
އެގޮތުން ކާރު އައުމާއެކު ކުރިއަށް ޖެހިލާ ކަރީނާއަށް ކާރުގެ ދޮރު ހުޅުވައިދިނީ ސައިފް އެވެ. އެއާއެކު އޭނާގެ ފޭނުން އަންނަނީ އެކަމަށް ތައުރީފުކޮށް ވާހަކަ ދައްކަމުންނެވެ.
ކަރީނާ އާއި ސައިފްއަށް ދެވަނަ ދަރިއަކު ލިބެން އުޅޭކަން އިއުލާނު ކުރީ އޮގަސްޓު މަހު އެވެ. ކަރީނާ ވިހާނެ ކަމަށް ބެލެވެނީ އަންނަ މާޗް މަހު އެވެ. އެ ދެމީހުންގެ ފުރަތަމަ ދަރިފުޅު ތައިމޫރްއަށް މިހާރު ތިން އަހަރެވެ.
ކަރީނާ ދާދި ފަހުން ވަނީ އޭނާގެ ކުރިއަށް އޮތް ފިލްމު "ލާލް ސިންގް ޗައްދާ" ގެ ޝޫޓިން ނިންމާލާފަ އެވެ. އަދި ސައިފް ވެސް ވަނީ "ބޫތު ޕޮލިސް" ގެ ގިނަ މަސައްކަތްތައް ނިންމާފަ އެވެ.
