ބޮލީވުޑުގެ ކުޅަދާނަ އެކްޓަރު ވަރުން ދަވަން އޭނާގެ ސަޕޯޓަރުންނަށް ރަތް ފިނިފެންމާ ބަހައިފިއެވެ.

ވަރުން މިހާރު އަންނަނީ އޭނާގެ ކުރިއަށް އޮތް ފިލްމު "ސްޓްރީޓް ޑާންސާ 3 ޑީ" ޕްރޮމޯޓު ކުރުމުގައި ވަރަށް ބިޒީކޮށެވެ. އެގޮތުން ދާދި ފަހުން ޖޯދްޕުރްގައި ފިލްމުގެ ޕްރޮމޯޝަން ނިންމާލުމަށްފަހު އެއާޕޯޓު ތެރެއިން ވަރުން ފެނިގެންދިޔައިރު އޭނާ ވަނީ ސަޕޯޓަރުންގެ މޫނު މައްޗަށް ހިނިތުންވުމެއް ގެނެސްފައެވެ.

ސޯޝަލް މީޑިއާގައި އާންމުވި ވީޑިއޯއަކުން ފެނިގެންދަނީ ވަރުން އޭނާގެ ސަޕޯޓަރުންނަށް ރަތް ފިނިފެންމާ ދޭ މަންޒަރެވެ. އެގޮތުން ސަޕޯޓަރުން ވަރުންނާއެކު ފޮޓޯނަމަމުން ދިޔައިރު ވަރުން ދިޔައީ ކޮންމެ ސަޕޯޓަރަކަށް ފިނިފެންމާ ދެމުންނެވެ.

View this post on Instagram

Roses are red and violets are blue, no matter how stupid, I still want a friend like you #varundhawan 🔥🔥🔥

A post shared by Viral Bhayani (@viralbhayani) on Jan 10, 2020 at 7:11am PST

"ސްޓްރީޓް ޑާންސާ 3 ޑީ"ގައި ވަރުންގެ އިތުރުން ޝްރައްދާ ކަޕޫރާއި ޕްރަބޫދޭވާ އާއި ރާގަވް އާއި ޕުނިތް އަދި ދަރުމޭޝް ފެނިގެންދާނެ އެވެ. ޕްރަބޫދޭވާ އާއި ރާގަވް އާއި ޕުނިތް އަދި ދަރުމޭޝް ވަނީ އޭބީސީޑީގެ ފުރަތަމަ ބައިން އަދި ދެވަނަ ބައިން ވެސް ފެނިފަ އެވެ.

މި ފަންނާނުންގެ އިތުރުން ފިލްމުގައި ދެވަނަ ލީޑު ރޯލަކުން ނޯރާ ފަތޭހީ ވެސް ފެނިގެންދާނެ އެވެ. އަދި ބޮލީވުޑަށް އަލަށް ތައާރަފުވާ ސަކްތީ މޯހަން ވެސް ފެނިގެންދާނެ އެވެ.

ފިލްމު ނެރުމަށް ހަމަޖެހިފައިވަނީ މިމަހުގެ 24 ވަނަ ދުވަހު އެވެ. ގިނަ ބަޔަކު ގަބޫލުކުރާ ގޮތުގައި ފިލްމަށް "އޭބީސީޑީ 3" ނުކީ ނަމަވެސް އެއީ ޑާންސް ސީރީޒް "އޭބީސީޑީ"ގެ ތިންވަނަ ބައެވެ.