އެޗްޕީއޭއިން މިރޭ ވަނީ މާލެއިން 35 މީހުން ޕޮޒިޓިވްވެ، 120 މީހުން ކަރަންޓީނު ކުރަން ވަނީ އަންގާފައެވެ.
އެޗްޕީއޭއިން ބުނީ މި ކައިވެނި ހަފްލާ އަކީ މިމަހުގެ 20 ވަނަ ދުވަހު މާލެ ޝީ ބިލްޑިންގް ގައި ބޭއްވުނު ހަފްލާއެއް ކަމަށާއި، މި ހަފްލާފައި "ގާތްގަނޑަކަށް" 120 މީހުން ބައިވެރިވިކަމަށް މިހާތަނަށް މައުލޫމާތު ލިބިފަވާ ކަމަށެވެ.
އަދި ހަފްލާގައި ބައިވެރިވި ހުރިހާ ފަރާތްތަކާއި، ހަފްލާގެ ކަންކަމުގައި ހަރަކާތްތެރިވި ފަރާތްތައް ކަރަންޓީނު ކުރަމުން އަންނަ ކަމަށާއި، އަދި ހައި ރިސްކް ފަރާތްތައް ޓެސްޓް ކުރުމުގެ މަސައްކަތް ކުރަމުންދާ ކަމަށްވެސް އެޗްޕީއޭއިން މައުލޫމާތުދެއެވެ.
މީގެ އިތުރުން އެޗްޕީއޭއިން ވަނީ މިހަފްލާއަށް ދިޔަ ފަރާތްތަކުގެ ތެރެއިން އެޗްޕީއޭއިން ނުގުޅި ތިއްބެވި ފަރާތްތަކުން 1676 އަށް ގުޅުއްވާ ވިހާވެސް ގިނަ މައުލޫމާތު ހިއްސާ ކުރެއްވުމަށް އިލްތިމާސް ކޮށްފައެވެ. އަދި އެޗްޕީއޭއަށް ގުޅިފައި ނުވިނަމަވެސް ގެއިން ބޭރަށް ނުނިކުމެ ގޭގައި އެކަހެރިވެ ތިއްބެވުމަށްވެސް ވަނީ އިލްތިމާސް ކޮށްފައެވެ.