މޯލްޑިވިއަންގެ ސީޕްލޭންއެއް މަލިކުގައި ޖައްސާފައިވަނީ ސްޕައިސް ޖެޓްގެ ޗާޓާ ދަތުރެއްގައި އަހްމަދުއާބާދަށް ދިއުމުގެ މަގުމަތީގައެވެ. 

މިކަން ހާމަކޮށް މޯލްޑިވިއަންއިން ވަނީ، މަލިކުގައި ސީޕްލޭން ޖައްސާފައި ނަގާފައިވާ ބައެއް މަންޒަރުތައް މީސްމީޑިއާގައި ހިއްސާކޮށްފައެވެ. 

މޯލްޑިވިއަންގެ އެހީގައި އިންޑިއާގައި މުޅިން އަލަށް ސީޕްލޭންގެ ދަތުރުތަށް ފަށާފައިވަނީ މިއަހަރުގެ އޮކްޓޫބަރު މަހުގައެވެ. އެ ހިދުމަތް ރަސްމީކޮށް ފައްޓަވައި ދެއްވީ އިންޑިއާގެ ބޮޑުވަޒީރު ނަރެންދްރަ މޯދީ ބައިވެރިވެ ވަޑައިގެންނެވި ރަސްމިއްޔާތެއްގަ އެވެ.