ފުޑް އެންޑް ޑްރަގް އޮތޯރިޓީން ބުނީ ގަނޑުކުރި ކާބޯތަކެތީގެ ފިނި ހޫނުމިން ބަހައްޓަން ޖެހޭނީ 18 ޑިގްރީ ސެލްސިއަސްއަށް ވުރެ މަތިނުވާނެ ގޮތަށް ކަމަށެވެ. އަދި ފިނިކުރި ކާބޯތަކެތި 0-5 ޑިގްރީއާ ދެމެދު ބަހައްޓަން ޖެހުނު ނަމަވެސް ބައެއް ފިހާރަތަކުން އެގޮތަށް އަމަލުކުރަމުން ނުދާ ކަމަށް އެ އޮތޯރިޓީން ބުނެ އެވެ.
ފުޑް އެންޑް ޑްރަގް އޮތޯރިޓީން ބުނީ ގަނޑުކުރި އަދި ފިނިކުރި ކާބޯތަކެތި ވިއްކާ ފިހާރަތައް އިންސްޕެކްޓްކޮށް ނެގި ސާމްޕަލްތައް ތަހުލީލުކޮށް ބެލިއިރު އެފަދަ އުފެއްދުންތަކުގެ ފިނިހޫނުމިން ބަހައްޓަން ޖެހޭ މިންވަރަށް ނުބަހައްޓާކަން ފާހަގަކުރެވިފައިވާ ކަމަށެވެ.
އެ އޮތޯރިޓީން ބުނީ އެފަދަ ކާބޯތަކެއްޗަކީ ކަނޑައެޅިފައިވާ ވަކި ފިނި ހޫނުމިނެއްގައި ބަހައްޓަން ޖެހޭ ތަކެތި ކަމަށާއި އަދި އެގޮތަށް އަމަލުނުކުރާނަމަ އެ ތަކެތީގެ ފެންވަރާއި ރައްކާތެރިކަން ގެއްލޭނެ ކަމަށެވެ.
އެކަމުގެ ސަބަބުން އާންމު ސިއްހަތު ނުރައްކާތެރިވާނެތީ އެފަދަ ތަކެތި ރައްކާކޮށް ގުދަން ކުރުމުގައި އަދި ވިއްކަން ބެހެއްޓުމުގައި ވެސް ސަމާލުވާން ވަނީ އަންގާފަ އެވެ.
