އެ ޕާޓީގެ ސްޕޯކްސްޕާސަން ހީނާ ވަލީދު ޕީޕީއެމް/ޕީއެންސީ އާއި ގުޅޭ މައުލޫމާތު ހިއްސާކުރުމަށް އެކުލަވާލާފައިވާ ގްރޫޕުގައި ބުނެފައިވަނީ، ކްރިމިނަލް ކޯޓު ކުރިމަތީ ކުރިއަށްދާ ސުލްހަވެރި އިހުތިޖާޖުން އެޕާޓީގެ ޖުމުލަ ހަ ބައިވެރިން ފުލުހުން ހައްޔަރު ކޮށްފައިވާ ކަމަށެވެ.

ހައްޔަރު ކުރި މީހުންގެ ތެރޭގައި ޕީޕީއެމްގެ ކައުންސިލްގެ ތިން މެންބަރެއް ހިމެނޭ ކަމަށް ހީނާ ވިދާޅުވިއެވެ. އެއީ، ކައުންސިލް މެމްބަރު އަހުމަދު ނަރީޝް، ކައުންސިލް މެމްބަރު ފާތިމަތު ފަޒްލާ އަދި ކައުންސިލް މެމްބަރު ސޫދާ އަބްދުﷲ އެވެ.

މިކަމާ ގުޅިގެން ސީއެންއެމްއަށް މައުލޫމާތު ދެމުން ފުލުހުންގެ މީޑިއާ އޮފިޝަލެއް ބުނީ، އިހުތިޖާޖުގެ ތެރެއިން ހައްޔަރުކޮށްފައިވަނީ ފަސް މީހުން ކަމަށެވެެ. އެއީ ތިން އަންހެނުންނާއި ދެ ފިރިހެނުންނެވެ.