އާދަމް ޝަރީފް ވިދާޅުވީ، ރައީސް ޔާމީން "ނުހައްގުން" ޖަލަށް ލާފައިވާ މައްސަލައިގެ އިސްތިއުނާފުގެ ޝަރީއަތުގެ މަޖިލިސް ފަސްކުރުމަކީ ކަންބޮޑުވާ ކަމެއް ކަމަށެވެ. އަދި "ޖަސްޓިސް ޑިލެއިޑް އިޒް ޖަސްޓިސް ޑިނައިޑް" ކަމަށް އާދަމް ޝަރީފް ވިދާޅުވިއެވެ.
އޭގެ އިތުރުން އާދަމް ޝަރީފް ވަނީ ރައީސް ޔާމީންގެ މައްޗަށް އުފުލާފައިވާ ދައުވާ ތަކަކީ ސިޔާސީ ދައުވާތަކެއްކަމަށް ވިދާޅުވާ ވާހަކަ ތަކުރާރު ކުރައްވާފަ އެވެ. އެގޮތުން އާދަމް ޝަރީފް ވަނީ ސިޔާސީ ބޭނުމުގައި ރައީސް ޔާމީންއަށް ކުރަމުން ގެންދާ އަނިޔާތައް ހުއްޓާލުމަށް ގޮވާލައްވާފަ އެވެ.
އެމްއެމްޕީއާރުސީ ހިޔާނާތާ ގުޅިގެން ފަސް އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޔާމީންގެ ފަރާތުން ހައިކޯޓުގައި އިސްތިއުނާފް ކުރި މައްސަލައިގައި ހުކުމް ކުރުން މިހާރު ވަނީ މިމަހުގެ 21 ވަނަ ދުވަހަށް ފަސްކޮށްފައެވެ.
މަނީ ލޯންޑްރިން ކުށުގެ ދައުވާއާ ގުޅިގެން ޔާމީން ފަސް އަހަރު ދުވަހަށް ޖަލަށްލުމާއެކު ފަސް މިލިއަން ޑޮލަރުން ޖޫރިމަނާ ކުރަން ހުކުމް ކުރީ 2019 ވަނަ އަހަރުގެ ނޮވެމްބަރު މަހުގެ 28 ވަނަ ދުވަހު އެވެ.
