އިތުރު 51 މީހަކަށް ކޮވިޑް ޖެހިއްޖެ
ފާތިމަތު ޝައުސަން އަލީ
17 ޖެނުއަރީ 2021 - 22:40:30
ރާއްޖެއިން އިތުރު 51 މީހަކު ކޮވިޑް-19 އަށް ޕޮޒިޓިވް ވެއްޖެއެވެ
އެޗްޕީއޭއިން ބުނީ، މިއަދު ޓެސްޓުކުރެވުނު 3003 ސާމްޕަލްގެ ތެރެއިން 51 މީހުން ކޮވިޑަށް ޕޮޒިޓިވް ވެފައިވާ ކަމަށެވެ. އެއީ މާލެ ސަރަހައްދުން 19 މީހުންނާއި، އަތޮޅުތެރޭގެ ރަށްތަކުން 3 މީހުންނާއި، ރިސޯޓްތަކުން 28 މީހުންނާއި އަދި ސަފަރީއަކުން ޕޮޒިޓިވްވި 1 މީހުން ކަމަށެވެ.
މި އަދަދުތަކާއި އެކު މިހާތަނަށް ރާއްޖެއިން ބަލި ޖެހުނު މީހުންގެ އަދަދު ވަނީ 14،513 އަށް އަރާފައެވެ. އަދި މިހާތަނަށް ބަލިން ރަނގަޅުވީ 13،540 މީހުންނެވެ.
އެކްޓިވް ކޭސްތަކުގެ އަދަދު ވަނީ 917 އަށް އަރާފައެވެ. އޭގެތެރެއިން 69 މީހަކަށް އަންނަނީ ހޮސްޕިޓަލުތަކުގައި ފަރުވާދެމުންނެވެ.
މިހާތަނަށް ރާއްޖެއިން 49 މީހަކު ވަނީ ކޮވިޑް-19 ގައި މަރުވެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް