މި މެޗަށް ނިކުތްއިރު، ޔުނައިޓެޑު އަތުން މޮޅުވި ނަމަ ލިވަޕޫލަށް އެއްވަނައަށް އެރުމުގެ ފުރުސަތު އޮތެވެ. އަނެއްކޮޅުން ޔުނައިޓެޑު މޮޅުވި ނަމަ އެއްވަނައިގައި ހަ ޕޮއިންޓްގެ ލީޑެއް ނެގުނީހެވެ. 

އެހެންނަމަވެސް މެޗު އެއްވަރުވެ، ފަހުން ކުޅުނު ސިޓީ އާއި ޕެލަސް މެޗުގެ ނަތީޖާއާ އެކު ލިވަޕޫލް ހަތަރުވަނައަށް ވެއްޓުނީއެވެ. އެއް މެޗު މަދުން ކުޅެ ދެވަނައިގައި އޮތީ ރޭ ޕެލަސް އަތުން ބޮޑު ތަފާތަކުން މޮޅުވި ސިޓީއެވެ. 

ޔުނައިޓެޑަށް 18 މެޗުން ލިބިފައިވަނީ 37 ޕޮއިންޓެވެ. އެއް މެޗު މަދުން ކުޅެ ސިޓީއަށް 35 ޕޮއިންޓް ލިބިފައި އެބަ އޮތެވެ. ލިވަޕޫލް ހަތަރުވަނައިގައި އޮތީ 18 މެޗުން 34 ޕޮއިންޓާ އެކު އެވެ.